محمد الشريف 
معرض E3 على الأبواب، وكل اللاعبين ينتظرون هالمؤتمر بالذات على أحر من الجمر. مؤتمر السنة اللي راحت كان أكثره استعراض للأجهزة الجديدة وقوتها وغيرها من فرد العضلات. السنة هذي بتكون أول سنة للشركات انها تعرض “ألعاب” مو أجهزة، وهذي هي المنافسة اللي نبغاها.
كل الجهازين بلاي ستيشن 4 واكس بوكس ون ناجحين، بلاي ستيشن 4 هو الجهاز المنزلي الأسرع مبيعاً في التاريخ، واكس بوكس ون المركز الثالث (بعد Wii). أوضاع مايكروسوفت في الفترة الأخيرة أسوأ بكثير من سوني اللي ماشيه بشكل أفضل.
كل الشركتين تبغى تقدم أفضل ما عندها، سوني تبغى تحافظ على تقدمها على مايكروسوفت، بينما مايكروسوفت واعية ان عندها مشكلة، ويبدو انها بدأت تحل المشكلة. ما يخفى علينا ان هالمعرض هو المواجهة الأكبر والأقوى للشركات، وهي الفرصة اللي تقدر الشركات تقلب الأمور لصالحها، مثل ما شفنا سوني في السنة اللي راحت تكسب المعرض.
نقدر ناخذ هالمثال كواحد من الأمثلة اللي انتصرت فيها على مايكروسوفت، على ان أداء مايكروسوفت في المعرض كان ممتاز:
ما نقدر نقرر بشكل مؤكد من اللي بيفوز على الثاني، لكن فيه تسريبات لكل من قائمة مايكروسوفت وسوني. التسريبات غير موثوقة طبعاً، لكن ممكن نستفيد منها في النقاش ونفترض ان بعض الألعاب بتكون صحيحة.
هذي صورة يزعم البعض انها صورة متسربة، وتحتوي على الألعاب اللي بتعرضها مايكروسوفت وسوني بالاضافة الى ننتيندو
مثل ما قلت، مصداقية الورقة المتسربة هذي غير مؤكد أبداً، لكن أكيد بنشوف بعض هالألعاب في المعرض. وهذا شي ممكن يوسّع النقاش ويفتحه بشكل أكبر.
سواءً تبي تعتبر الورقة المتسربة هذي ضمن نقاشنا أو لا، من تعتقد بيفوز في معرض اي ثري لهذي السنة؟ مايكروسوفت اللي مضطرة تعيد الثقة لجمهورها، أو سوني اللي مضطرة تحافظ على أداءها الجيّد؟ ووش الأشياء اللي تؤيد كلامك؟
احمد خالد
أحمد عصام
بارعة
