محمد الشريف
كتب رئيس اكس بوكس فيل سبينسر (Phil Spencer) في تويتر، في رده على واحد من عشاق اكس بوكس انهم “يحتاجون يشتغلون أكثر” عشان يلحقون سوني وجهازهم بلاي ستيشن 4، واللي متقدم على اكس بوكس ون من ناحية المبيعات بفارق ما هو بسيط.
بلاي ستيشن 4 باع أكثر من 7 مليون جهاز في آخر تصريح لسوني، بينما مايكروسوفت أعلنت انها شحنت (شحنت وليس باعت) 5 مليون جهاز الى الآن. التفوق الى الآن لصالح سوني، لكن هل تقدر مايكروسوفت تلحق سوني وتتفوق عليها؟ حسب كلام فيل، يقول انهم “داخلين عشان يفوزون” ويقصد بالدخول انهم داخلين مجال عالم الألعاب.
وعدت مايكروسوفت بخطط ضخمة في معرض E3 العالمي لهذي السنة، وقال ان مايكروسوفت “بتجيب ألعاب، مو بس دعايات واعلانات”.
برأيك، وش تحتاج مايكروسوفت عشان تلحق بسوني وتتفوق عليها؟
احمد خالد
بارعة
Saudi Gamer
