معلومات واحصائيات عشوائيه عن الموقع (احتفالية الحلقة 100)

(هذا الموضوع تابع لاحتفالية سعودي قيمر بمناسبة وصولنا للحلقة 100)

على بال ما تخلّص مسابقة امس، حبينا نطرح موضوع خفيف فيه بعض المعلومات والاحصائيات العشوائيه عن الموقع من يوم ما بدا:

البودكاست أول ما بدأ كان بودكاست متخصّص في البلايستيشن 3 فقط، ثم بعد 13 حلقه صرنا نغطي اخبار جميع الأجهزه.
سجلنا أكثر من 170 ساعه وقضينا 320 ساعه اضافية (تقريبا) في اعداد ومونتاج الحلقات الصوتيه فقط (غير تقارير الفيديو).
أكثر شخص حضر في الحلقات هو فيصل.
على طاري فيصل، فقرة “قنعور يتذكّر” (اللي فيصل يتذكر لنا فيها لعبه قديمه) بدأت من مزحه مزحها فيصل مع المستمع سامي الرميح في تعليقه على الحلقه 27. يوم قريناها عجبتنا واجبرناه يسوي هالفقره كل اسبوع. 😛
مجموع الاستماعات لجميع الحلقات الصوتيه اللي سويناها هو اكثر من 260 ألف استماع وتحميل.
ثاني اكثر دوله تحمل وتستمع للبودكاست هي أمريكا (الظاهر الطلبه المبتعثين)، يجي بعدها الامارات.
اكثر حلقه استماعات Saudi Gamer + Gaming FTW (وصلت الى اكثر من 6000 استماعتحميل في فتره قصيره)
أكثر موضوع صار فيه تهزيء كان في موضوع لقاء القناة السعودية الاولى مع سعودي قيمر
أكثر موضوع كان فيه ابداع هو موضوع الرسومات المشاركه في احدى مسابقاتنا.
أكثر موقع دعم البودكاست (وهو نفس الموقع اللي نشرنا الحلقه التجريبيه فيه) هو موقع البوابة الرقميه ADSLGate، وبالتحديد قسم البلايستيشن 3. فألف شكر لصاحب الموقع الأخ أبو ثابت وجميع مشرفي واعضاء قسم البلايستيشن 3.
أكثر موزّع محلّي دعم البودكاست هي شركة الالكترونيات الحديثة وكيل سوني في المنطقه. دعمها للمواقع السعودية المتخصصه في الالعاب بشكل عام كان (وما زال) خرافي.
شطحه: أفضل محترف اجنبي المهندس أحمد كامل من دولة مصر الشقيقه. مدري ليش بس دايم تعليقاته يتكلم عنها شخص أو اكثر من الفريق قبل ما نبدا نسجّل.