الفائزين بمسابقة سعودي قيمر الصيفية الثانيه!
تحديث: نشرنا توضيح بخصوص نتائج المسابقة
جا وقت اعلان نتائج المسابقة الصيفيه! بامكانك اطلاع على جميع الرسومات في الموضوع السابق.
بداية حاب أوضّح طريقة التقييم اللي اعتمدناها.
- قسم المحترفين: كل صورة تتقيّم من 10. 5 درجات لجودة الرسم و 5 درجات لفكرة الرسمة.
- قسم الهواة: كل صورة تتقيّم من 10. 3 درجات لجودة الرسم و 7 درجات لفكرة الرسمة.
كل شخص فينا (4 أشخاص) قيّم كل صوره بتقييم مستقل عن الآخر، مع العلم ان الصور المستخدمه في التقييم كانت بدون اسماء عشان نتجنّب أي نوع من أنواع التحيّز عند التقييم. بالنهايه ناخذ درجاتنا كلها والمتوسّط حقها يصير الدرجة النهائية للمشاركة.
بالنهاية طلعت النتائج غير متوقعه نهائياً!
بالنسبة للفائزين:
المركز الأول/ قسم المحترفين: حسن. مبروك الفوز بجهاز PSPgo!
المركز الثاني/ قسم المحترفين: عبدالسلام الشمري. مبروك الفوز ب بطاقة PSN بقيمة 100$ (375 ريال)
المركز الثالث/قسم المحترفين: حمدوش. مبروك الفوز ببطاقة PSN بقيمة 40$ (150 ريال)!
المركز الأول/ قسم الهواة: وحيد نجد العتيبي. مبروك الفوز بجهاز PSPgo!
المركز الثاني/ قسم الهواة: عبدالعزيز. مبروك الفوز ببطاقة PSN بقيمة 50$ (187 ريال)!
المركز الثالث/ قسم الهواة: Dark Death. مبروك الفوز ببطاقة PSN بقيمة 20$ (75 ريال)!
راح نتواصل مع الفائزين ان شاءالله خلال اليومين هذي عشان نرسل لهم جوائزهم.
ألف شكر لجميع من شارك، و المسابقات الجايه أكثر ان شاءالله. 
d@mn !t
يا أخوي لاتقعد تلعب بأعصابنا كذا! X(
قيّم التعليق:
0
باللهي وش تبون توصلون له كذا وش الفرق اذا حطيتوهم مع بعض تسمعون بالاثاره لوووووول
قيّم التعليق:
0
ايه والله العظيم شويه يلعب باعصابنا بصراحه زودوها
قيّم التعليق:
0
@alfhad
هههههههههه عاد والله انك على بالي وانا اكتب الموضوع. معليش تحمل شوي وانا اخوك ترا كلها 4 ساعات
قيّم التعليق:
0
ههههههه عارف اني نشبت لكم بس بصراحه شى زاد عن حده وصدق كل شخص له ظروفه وهو اصلن كان المفروض هذا كله امس بس يله وش نسوي .. عالعموم بتفتكون مني مع السلامه..
قيّم التعليق:
0
يرحم امكم نزلوها بسرعه بسااافر
قيّم التعليق:
0
اصلا بعد ما شفت الرسومات قيمت نفسي المركز الثالث وطلع زي ما توقعت …
واعرف (تقريبا) مين بيأخذ المراكز الأولى ..
ومقدما ألف مبروك للجميع..
بصراحة استمتعت جدا بالمسابقة وأقدم شكري الجزيل لشركة سوني وفريق سعودي جيمر..
قيّم التعليق:
0
نزلت النتائج كلها بس للأسف شكله خوينا ما يتقبل المزح
قيّم التعليق:
0
مبروك للفائزين ^_^
قيّم التعليق:
0
1000 مبروك للفائزين
قيّم التعليق:
0
مبروك للفائزين و الجوائز صراحة دسمة ^^” . و الرسمات فله .
قيّم التعليق:
0
مبروووووك للفايزين بالجوائز
ويعطيكم العافيه شباب على تنظيم المسابقه الحلوه والجاي احلى ان شاء الله
قيّم التعليق:
0
مهو مكتوب لي الفوز
يلا على البركه للفايزين
وشكرا فريق سعودي جيمر وسوني
سلامــ
قيّم التعليق:
0
ألف مبرووك للجميع مشاركات مذهلة و روعـة
قيّم التعليق:
0
مع اني ماشاركت وارجو ان يحترم رائي
لكن بصراحة بعض الرسمات واضح فيها رسومات مجلات والفكرة عادية جدا
يعني فكرة اثنين يشربون قهوة ؟؟؟؟ وش الهدف من كذا ؟
ورسمة اخرى ناس حاملة علم ؟؟؟ وبعدين
صراحة كان في رسمات اخرى متعوب عليها بشكل اكبر ولكن للاسف لم توفق
شئ ثاني اكثر القسم الاول رسومات كمبيوتر ( او معدلة )و ما حطيتوا معاها رسمات على الورق للمحترفين باليد اعتمدوا على الاحتراف بالكمبيوتر فقط مع ان الرسم على الورق اكثر فنا و لكن ولا رسمة ورق اعتبرتوها محترفة مع العلم كان لازم التنويع بينهم
والشي راجع لكم ومبروك للكل
ويعطيكم العافية
قيّم التعليق:
0
1000 مبروووك للفائزين ..
تتهنوا فيها في الاجازة باذن الله ..
و شكرا لسعودي قيمر & سوني
المره الجاية اكون من بين الفائزين باذن الله ^^
قيّم التعليق:
0
@عابر سبيل
مشكور اخوي أكيد نحترم رأيك، وشخصياً لو انا الوحيد اللي يحكّم كان غالبا اختلفت النتائج، لكن لما تجمع درجات اشخاص مختلفين بالذوق والآراء تطلع النتيجه غير متوقعه حتى بالنسبه لنا، لكن مع ذلك اعتقد برأيي الشخصي ان النتيجه كانت عادلة.
قيّم التعليق:
0
آلف مبروك للفآئزين وحظ آوفر للمشآركين البآقين .
قيّم التعليق:
0
والله يا مشهوور ضلمتوا واجد ..
في رسمات استحقت تاخذ اكثر , بس شكلكم ما ركزتوا و مشيتوها بسرعه
انا تأخرت في موعد المسابقه , بس بالله عليك ..
ليه رسمة كيل زون خذت الأول , الرسمه جايه كـنها سيغا
و اسف اذا ردي ضايقكم او ضايق الفئزين ..
قيّم التعليق:
0
مبرووووووووووووك للكل وعقبال مسابقات ثانية تراعي قدراتنا @@
ههههههههههههههه
وافوز فيها طبعا LOL
قيّم التعليق:
0
غرييييييبه !!
مبروك للي فازوا لكن اعذروووني في غيركم يستحق !
قيّم التعليق:
0
اولا مبروك لكل الفائزين
وثانيا انا عندي بي اعتراض صغير وابغا اشوف رأيكم يعني
بالنسبة الأول و الثالث في قسم المحترفين ولأول في قسم الهواة ما وضعو شخصية الموقع زي ما قلتو في القوانين المسابقة اللي هو ابو شماغ ووجه مربعات
بس يارب بس كلامي ما يزعل الفائزين 3>
قيّم التعليق:
0
صراحة وبكل حيادية النتايج منصفة جدا والرسمة الاولى انا قلت لو مافازت ظلم وعلى العموم مبروك لكل الفايزين وهارد لك للزعلانين
قيّم التعليق:
0
انا معاك في ناس كانت تستحق اكثر وخاصة البنات وما اعرف كيف جات النتيجة كدا..
بس بالنسبة للرسم باليد لا تجمع الكل … يعني في شباب كثير رسمو بيدهم وانا رسمت “الهيلقاست” بيدي بدون اي تعديل بالكمبيوتر .
قيّم التعليق:
0
المفروووض تحطون تصويت
قيّم التعليق:
0
يستاهلون والي ما فاز ان شاء الله في مسابقة
سعودي قيمر الجايه يفوز P:
مجهود قميل يا شباب !
المركز الثاني من الاحترافين
صراحه مشاء الله مبدع ..
ذولي العالم ليه ما يسون لنا العاب ؟
كل المحترفين مشاء الله ..
وحتى الهوات هههههههههه افكارهم جامده
و مشكورين شباب والله مشهور مقدرين تعبك
اما عاد نزلت كل الصور ولا كل وحده تكتب تحت سعودي قيمر !!
قيّم التعليق:
0
مبروك للفائزيين
رضا الناس غاية لا تدرك!!!
قيّم التعليق:
0
أفااااا بس شباب اللي فازوا ! تحيز عنصري واضح ههههههههههههههه
بأعطي رأيي الشخصي الكريم :
المركز الأول في قسم المحترفين طريقة اخراجها رهيبة بكسلات وحركات لكني حبيت فكرة رسمة حنان أكثر حقت كابتشينو وإقهوة هههههه كانت خطيرة منجد ^ـ^ بس ما يمنع نقول مبروووك لحسن يستاهل ^ـــ^
المركز الأول في قسم الهواة بالزززززززززبط أكثر وحدة عجبتني في هذا القسم ، ألف مبرووووك وحيد ^ـــ^
وألف مبروك للباقين ، مع إنو في رسمات اتوقعتها تفوز ، بس لكل مجتهد نصيب ^ـ^
حلوة المسابقة مررررره كثروا منها ^^
قيّم التعليق:
0
http://bestgamewallpapers.com/files/killzone-2/holding-the-flag.jpg
بس شكلو الشغل فيلو واسطه~~~~ والله اعلم~~~
قارنو بينها و بين الرسمه في المركز التالت؟؟ مو كنو منقوله؟ احنا لو نعرف انو النقل عايدي كان كلنا نقلنا :/ حطيتو شروط و مشينا عليها بعدينه فجأه كده تمسحوها كلها؟ هادا كده ما نقل؟ يعني مع كل احترامي و اتمنى محد يزعل بس هادا الشغل اسمو Traceing!! و لو الرسمه محطوطه في موقع للرسم كان انحزفت لأنو التريسنق يعتبر سرقه :/
طولت صح بس في رسوم تستحق اكتر… اتمنى محد يزعل و مبروك للبقيه مع انو حركه القهوه كمانه على قول الاخت تونا حقت حنان كانت اوضح و فيها حركه مو بس كده قعده و بدون خلفيه
يديكم العافيه =))))
قيّم التعليق:
0
http://ui29.gamespot.com/700/killzone2_2.jpg
بس شكلو الشغل فيلو واسطه~~~~ والله اعلم~~~
قارنو بينها و بين الرسمه في المركز التالت؟؟ مو كنو منقوله؟ احنا لو نعرف انو النقل عايدي كان كلنا نقلنا :/ حطيتو شروط و مشينا عليها بعدينه فجأه كده تمسحوها كلها؟ هادا كده ما نقل؟ يعني مع كل احترامي و اتمنى محد يزعل بس هادا الشغل اسمو Traceing!! و لو الرسمه محطوطه في موقع للرسم كان انحزفت لأنو التريسنق يعتبر سرقه :/
طولت صح بس في رسوم تستحق اكتر… اتمنى محد يزعل و مبروك للبقيه مع انو حركه القهوه كمانه على قول الاخت تونا حقت حنان كانت اوضح و فيها حركه مو بس كده قعده و بدون خلفيه
يديكم العافيه =))))
قيّم التعليق:
0
grats to the winners~~~
بس عندي تعليق بسيط ^_^
الرسمه الي فاز بالمركز التالت مبروك عليك
لكن مو عدل … الرسمه منقوله بتفاصيلها و ظلها من هنا
http://media.photobucket.com/image/killzone%20flag/SINcere9987/Video%2520Games/gwp_killzone_2_6.jpg
و انتو قارنو و شوفو بنفسكم…
يعني من الشروط كان كده و انا حأعمل كوبي بيست ”
رقم الرد 11 الرد كتبو جميل عبد الواحد في موضوع المسابقه
“ايه ممكن تلون بالفوتوشوب بس اهم شي تكون الرسمه مرسومه سواء بالمرسام او الفوتوشوب اهم شي ما تكون صورة مسروقة من النت و تم التعديل فيها فقط
@عبدالعزيز الزهراني
اسنخدم الرسام عادي بس الشخصيات لازم تكون من شغلك و ليست مأخوذه من النت حتى الوجوه.”
يعني افهم من دا انو النسخ و اللزق ممنوع…
اما بالنسبه للرسمه الاولى ما شاء الله حسن رسام xD اعرفو من وقع الرسم ما شاء الله عليه ابداع
بس ملاحظه ياريت ما يزعل مني حسن مافي فرق بين فكرت رسمتو و رسمتي! مع انو حقتي بخلفيه يعني … و فيها catch انو زاك امريكي و كده و هادا بيعلم صاحبو زاك…
بالنسبه للمركز التاني ما شاء الله رسمتو روعه ^_^ كنو غلاف مسلسل XD
مبروك مره تانيه للفايزين و ان شاء الله ماتزعلو مني بس كل مين يحقلو يقول رأيو =]
ان شاء الله لنا رجعه في المساباقات الجايه ^_^v
قيّم التعليق:
0
فعلا ما اتوقعت اني افوز و خصوصا بوجود كومة من المبدعين المشاركين ..
شفت الكثير من الاعتراضات .. شكرا لكل من بارك لي .. اسف اذا كنت ضايقت احد
و ابارك لاخواني و اخواتي اللي فازوا
قيّم التعليق:
0
قال ايش قال مافي عنصريه
قم بس قم باينه زي الشمس
صراحه عجبتي التعليق على كلامي في الحلقه 73
الحمدلله بان كل شي طب اعطونا كيف قيمتم الرسمات على الأقل
بعدين اختي حنان الواضح انو الرسمه حقت حمدوش منسوخه بورق نسخ من الصوره الي جبتيها باينه لاتتعبو حالكم كانت اصلأ مزبطه المسابقه هدي ماشالله رسماتكم مره حلوه خصوصأ الأخت ريما المفروض على الأقل الثالثه بس الشغله واضحه زي الشمس هدي اخر زياره لي من البودكاست هدا مافي عدل لنا
قيّم التعليق:
0
و ما انسى اشكر مشهور و لجنة الحكم ^__^ و كل من قام على المسابقه
و اختي حنان فعلا رسمتك جميله جدا فكرةً و إخراجاً و ايضا رسمات الاخوان جميله
قيّم التعليق:
0
و انت كمانه حسن ما شاء الله اعرف البيكسيل يتعب مبروك عليك مره اخرى =]
قيّم التعليق:
0
@تونا
تونا حبيبتي xD شكرا هع هع شكلو هما ما انتبهو للخلفيه و الجمل و كده او ما فهمو السيناريو مزبوط =(
بس مو مشكله XD
قيّم التعليق:
0
آممممممممم ….. انا مع رأي بنت خالي فاتن، كان طلعتوا وحدة بنت على الاقل عشان يصير للمسابقة فايدة انكم خليتوها مسابقة رسم لخاطر البنات يقدروا يشاركوا. =)
مسابقة جميلة ومحششة ورهييييبة في الفكرة، بس كان يحتاج منكم انكم تنسقوها بطريقة احترافية زي مسابقات ديفيانت آرت. ^__^
يكون في الـ Semi-Final ويكون في Rating by viewers حتى لو انكم ما تحطوا اسامي الاشخاص عشان لا يصير في تحيز. ولجنة التحكيم المفروض يكون في منهم بنت عشان ما ينظلموا البنات لأني ملاحظة انه الستايل في المشاركات الفائزة واحد واللي هوا ستايل الاولاد =)
وكما تفضل احد الاخوان المعلقين انه الفكرة نوعا ما راحت من التقييم، يعني في رسمات معبرة اكثر عن السعودية اكثر من بس حمل العلم او شرب القهوة.
ممكن تاخذوا بطريقة التقييم اللي عملتوها في تقييم الـ Semi-Final والتقييم النهائي بيكون باجماع الكل عشان لا يصير من اللجنة المحكمة واحد متفاجئ ومو راضي.
على العموم، هذا رأي الخاص واعتذر لو الفايزين زعلوا من كلامي، بس المسابقة جميلة وتفاعل جميل ورسمات رائعة ومبدعة وسعودية خخخخخخ ومبروك للفائزين على فوزهم وحظ اوفر للمشاركين اللي ما فازوا وان شاء الله تكون المسابقات الجاية اكثر احترافية ومنصفة =)
Continue?
~>Yes
No
/( ^___^ )\
قيّم التعليق:
0
على فكرة…. انا ريما محمد نواوي صاحبة الرسمة الاولى في صفحة الرسومات المشاركة في المسابقة الصيفية ^__^
قيّم التعليق:
0
@Pure
شكرا لك اختي على اطرائك على رسمي. الدنيا حظوظ وان شاء الله بافوز في مسابقات تانية منصفة اكثر، لكن كل واحد بنصيبه ويمكن نصيبي بيكون في مسابقة بتكون جائزتها اكبر هع! =)
قيّم التعليق:
0
ريمااا
رسمتك كنت أتوقعها المركز الأول بصراحة
احترآفيه + الفكرهـ ولا أروع يكفي انها تبين حال العيال لما يطلعون من المدرسه وناااسه
بس سؤااال بأي برنامج رسمتيها ؟!
قيّم التعليق:
0
بالفعل انا اخذت الفكرة من الصورة ..ايش العيب في كده ؟؟؟!!!
انا شفت الصورة وجات في بالي الفكرة وقمت بتنفيذها … يعني تبغى تحاول تقنعني ان الجميع رسم الصورة من مخيلته؟؟!! اكيد كانت قدامه صوره للشخصية ليأخذ منها التفاصيل ويضيف عليها لمسته وهذا الي سويته انا..
وبالنسبة لكلام الاخ جميل فهو يقصد عمل تعديل على نفس الصورة ..
وللمعلومية انا ارسلت الصورة 3 مرات ولو كان فيها اي مخالفة كان رد علي احد الاخوان..
وبالنسبة لرأي الخاص أرى ان من يستحق المراتب الاولى هما الاخت حنان والاخت ريما..
قيّم التعليق:
0
ومعليش نسيت شغلة ..يا اخت فطومة اول شئ اسمها Tracing وهي نقل رسمة من رسمة و ليس نقل رسمة من واقع او من صورة واقعية بل على العكس الرسامين المحترفين هم من يستطيعون نقل الواقع الى الكراس بدون تغيير اي شئ ..
وهل تتهمين الناس بالسرقة او بالغش او بالواسطة بسبب مسابقة رسم بسيطة ؟؟؟!!!
قيّم التعليق:
0
@Queen
شكرا لاطرائك اللطيف على رسمتي ويكفيني اعجابك بها واعجاب الجمهور بها دا اكبر فوز ليا فعلي وحقيقي بعيد عن الجوائز المادية مع اني اتمنيت افوز في المسابقة بس خيرها في غيرها واحسن منها =)
وبالنسبة لسؤالك انا رسمتها ببرنامج الفوتوشوب بواسطة التابلت واكوم سنتيك لمدة يومين وياريت عرفت عن دي المسابقة من بدري كان مخمخت فيها وظللتها وخليتها احسن من دي بكثير، لكن المشاركة بالفكرة كانت اهم شي واني الحق قبل ما ينتهي موعد المسابقة والحمد لله دخلت رسمتي في المشاركات ^__^
قيّم التعليق:
0
اخي حمدوش انا ما كان قصدي اهاجم او شي زي كده
انت ناقل الصوره من رسمه حقت اللعبه يعني لو كلنا نقلنا كان اتساوينا صح؟
ترى في رسامين ما يطلو في رسوم عشان ياخدو الوقفه ولا ياخدو طريقه الجلسه او شي زي كده!!
احنا الرسامين بنطل في الشخصيات عشان ناخد شكلهم كيف بعدينه خيالنا يشتغل
عشان كده سموه رسم و الرسام المحترف هوا الي حيفهمني في دي النقطه انو الرسم خيال! مو نقل لو كل مين نقل ساعتها اقلك صح معليه حقك عليا بس شوف الرسوم الباقيه؟ ماشفت احد ناقل من صوره اصليه! انا هادا قصدي و اسفه مره اخرى لكن كل مين يقدر يبدي رأيو صح؟
لو مسكنا صورتك الي رسمتها و الاصل
حنلاقي انو الي على اليمين كوبي بيست بس تغير العلم و الي فيدو و انت لونتها
اما الي ع اليسار دا رسمك ف الاختلاف واضح اخي
ازا كانت لك انت مسابقه بسيطه.. لغيرك كانت شي تعبو عشان يرسمولو *___* هادا رأي و ان شاء الله تتقبلو و تفهمني و شكرا ^___^
اختك فطومه
قيّم التعليق:
0
@Hamdoosh
اشكرك على تعليقك اللطيف على رسمي ومبروك الفوز في المسابقة ان شاء الله نتقابل في مستبقة تانية ونتنافس من جديد. =)
بس حبيت اقول لك اني رسمت الرسمة دي من مخيلتي من الاول للآخر ودا شي طبيعي في الرسام واللي لجنة التحكيم ما اخذوه في الاعتبار نوعا ما كون نوعية المسابقة هي مسابقة رسم، ورسمك يعتبر نقل نوعا ما ومو من مخيلة وانت شاركت بيها وما لك اي دخل في فوزها لأنه دا شغل لجنة التحكيم.
واقول دا الكلام من حسن نية والله اعلم.
وعلى العموم، الدنيا حظوظ ونصيب كيف جات ومبروك على الفوز والجائزة ^__^
وياعم روق المنجا لا تاخذ التعليقات بشكل هجومي عليك. الكل هنا حر في التعبير عن رأيه ولو احد عنده شي يراسل سعودي قيمر، صح؟ ^_~
Take it easy ya 3azeezy
قيّم التعليق:
0
انا افهم ما تعنيه الاخت فطومة من انه الرسم خيال اكثر من انه نقل، لكن النقل فن برضو ما نقدر ننكر ^_^
قيّم التعليق:
0
@Hamdoosh
اخ حمدوش شكرا على تعليقك على رسمتي تسلم والله
و مبروك الفوز لك ان شاء الله ما تكون زعلت مني ^_^
حبيت اعلق على كلامك دا
“يعني تبغى تحاول تقنعني ان الجميع رسم الصورة من مخيلته؟؟!! اكيد كانت قدامه صوره للشخصية ليأخذ منها التفاصيل ويضيف عليها لمسته وهذا الي سويته انا..”"
اخي الرسام يرسم بمخيلتو الي يفكر فيلو يرسمو! انا بالنسبه ليا السكيتش لحالو اخد يوم تفكير و كده و رسمت غيرهم سكيتشين بعدينه اخترت دا ^_^
لنو يبالو تزبيط يعني الخلاصه يومين
اما التلوين و التحبير قصه تانيه اخد مني يوم كمانه
و ماطليت في ريفيرنس ولا مرجع انو كيف اقعدهم او سرقت الفكره من هنا او هنا انا رسمت من خيالي..
بس شكلو هما ما يقيمو على الرسم ما ادري كيف طريقتهم ^^”"”
على العموم على قوله اختي ريكس الدنيا حظوظ ^_^ و هادا الشي راجع للحكام مبروك عليك و ان شاء الله ما تكون ماخد في خاطرك
ان شاء الله لو فتحو مسابقه تانيه بنتقابل و نتحدى بعض في الرسم مره اخرى ^_^
شكرا اخي
اختك – حنان النعماني
قيّم التعليق:
0
مبرووك للفائزين
قيّم التعليق:
0
@yomiku
عجبني رسمك اخت حنان مررررة كيوووووت ودميلة قددددن وكأني شفت رسماتك في مكان ما في الاراضي الانترنتية وانتي من الناس اللي اشوف لها الاحقية في الفوز ولو كان في تصويت كنت صوّت لك =)
عندك ويب سايت فيه رسماتك؟ او صفحة في فليكو وللا الفيس او اي مكان تحطي فيه رسماتك؟ حبيت اشوف رسماتك بعد اذنك طبعا ^_^
قيّم التعليق:
0
@Rex Toma Nawato
يب اختي عندي في ديفاينت ارت ^_^ على الفيس بوك @_@ اممم كيف اديكي هوا هنا ما يجي!!
شوفي الواتش ليست عندك في ديفاينت ارت انا دحينه ارسلك مسج XD
و انتي كمانه ماشاء الله لاقوه الا بالله انا لما شفت رسمتك قلت هادي المركز الاول لا محال فيها كل الشخصيات الي احبها XDDD LOL
تسلمي حبيبتي ^_^ احرجتيني XD
قيّم التعليق:
0