مشهور الدبيانانتهت مسابقة الكنكت، استقبلنا فوق الـ90 مشاركة من مقاطع فيديو وصور كثير منها انبذل عليها مجهود جبّاااار من المشاركين، لكن للأسف في النهايه مضطرين نختار فائزين (مع وجود جوائز ترضيه لأفضل المشاركات بنعلن عنها قريباً).
قضينا تقريباً اسبوع في التدقيق على المشاركات والاتفاق على الأفضل منها، وان شاءالله نكون توفّقنا في الاختيار.
الموضوع هذا راح يكون فيه اسامي ومشاركات الفائزين فقط. الاسبوع الجاي ان شاءالله راح ننشر أفضل المشاركات في المسابقة. للأسف المسابقات كثيره جدا فما راح نقدر ننشرها كلها.
بالنسبة للفائزين…
الفائز في قسم الفيديو: محمد القرني!
محمد كان متحمّس مره في مشاركته في المسابقه. ارسل لنا فكرته بفيديو مدعوم بصور وشرح يكفي تحطّه في مجلّد، حتى من الحماس سوا للعبته تريلر لازم تشوفه أول (عشان تخش جو :P)
بس طبعا التقييم كان على الفكره اللي في مشاركته. قدّم مجموعة أفكار للعبة مبنيه على فلم Harry Potter (هاري بوتر) ممكن تشوفها في الفيديو التالي:
أعجبنا أكثر شي في مشاركة محمد ان فيها أفكار حلوه وجميعها للعبه وحده وهالشي أعطى عمق أكبر للمشاركه، وهي أفكار قابله للتطبيق ماهي خياليه. أيضاً اجتهاده في المونتاج لتوضيح الفكره كان رائع صراحه.
الفائز في قسم الصور: خالد العيسى!
مع ان فكرة خالد كانت للعبه موجهه للأطفال بشكل أساسي (عروض دمى)، الا انها اعجبتنا لانها ابداعيّه ومميزه وغير مسبوقه، وتوقعنا لو تتسوى فعلاً بتلقى اقبال عند العوائل واطفالهم.
الشرح كامل مع الصور موجود في ملف PDF الخاص بمشاركته، لا تنسى تحمّله وتلقي نظره عليه.
—-
هذولي كانوا الفائزين باجهزة الاكس بوكس مع الكنكت، فألف مبروك لهم، وان شاءالله الاسبوع القادم بنعرض فيديو لأفضل المشاركات اللي وصلتنا مع جوائز ترضيه اضافيه لمشتركين آخرين.
ألف شكر لكل من شارك في المسابقه، ونتمنى نعرف رأيك عن مشاركات الفائزين في التعليقات.
أيمن اليغشي
احمد خالد
