العيد مليان رسميات، وممكن عزايم جايه بوقت جدا غلط، أو تصير مجبور تزور ناس غثيثين، ويمكن انك بمدينه زي الرياض مافيها اي شي يحسسك انك بالعيد، او انك بعيد عن اهلك أصلا، ويمكن ماحد بيعطيك ولا ريال في العيد وما تقدر تشتري ألعاب جديده من عيديتك مثل ما كنت مخطط وتسلك طريق الفئه الضاله وتطيح في الألعاب المنسوخه الله يكفينا الشر …. و يمكن يكون كل ما سبق غير موجود وعيدك خرافي مره لدرجة انك ما تقول احداثه لأحد عشان ما تنحسد عليه.
في كل الأحوال العيد جا، وحابين نعايد عليك، فكل عام وانت بألف خير، وتقبل الله منا ومنك الصيام والقيام 🙂
اذا طفشت مره في العيد ولقيت نفسك جالس لحالك مع جهازك في أي وقت من الأوقات، انصحك تسلّي نفسك بوحده من هالاشياء في حال ما سويتها:
- تتفرج على مقاطع انطباعنا الأولي عن Playstation Move
- تسمع حلقة البودكاست المشتركة مع Gaming FTW في حال ما سمعتها. يقولون ممتازه.
- تسمع حلقة تغطيتنا لمعرض Gamescom الثريه بالمعلومات، او حتى تتفرج على فيديو النقاش ولو ان الصوت تعبان شوي بس اللي شافوه يمدحونه.
- تتفرج على مقابلتنا مع نائب رئيس سوني حول موضوع التعريب.
نتمنى لك عيداً ممتعاً.
