محمد الشريف
على ان مافيه اعلان رسمي من الشركة، الا ان الاشاعات حول دخول مايكروسوفت بدأت تكثر. عالم الواقع الافتراضي أو virtual reality صاير زي الموضة، بحيث تتنافس الشركات في استعراض مشاريعها، وأبرز هالمشاريع مشروع الأوكيولوس ريفت لفيسبوك، وبروجيكت مورفيوس لسوني، وسامسونج جير من سامسونج. هذا كله باستثناء العملاقة آبل والاشاعة اللي طلعت عنها.
الى وقت كتابة هذي الكلمات، عندنا 3 مشاريع مؤكدة وتم اعلانها بشكل رسمي، واذا طلعت الاشاعات حقيقية وأعلنت مايكروسوفت فبيصير عندنا أربع مشاريع في أوقات متقاربة، وهذي حادثة تستحق النقاش.
تقنية الواقع الافتراضي، وهي عبارة عن أجهزة تلبسها على راسك بحيث تعطيك تجربة مختلفة للألعاب وتخلّيك تحس انك وسط اللعبة. تقدر تقول انها محاولة ثانية لاعطاء اللاعب تجربة لعب مختلفة وفيها اندماج أكثر.
الشركات حالياً متحمسه جدًا مع الفكرة، ويبدو اننا نشوف نفس الحماس اللي عشناه مع Microsoft Kinect و PlayStation Move قبل كم سنة، لكن هذي المرة بثقة أكبر وبعدد منافسين أكبر. ولا نقدر نحدد هل التقنية بتكون فاشلة أو ناجحة، الا في اليوم اللي تكون فيه الأجهزة هذي بين يدينا ونجربها بأنفسنا.
عندنا في المكتب جهاز أوكيولوس ريفت، وجميل ما قصّر في مشاركة تجربته مع المتابعين الرهيبين. تقدر تشيك القناة وتشوف بعض الفيديوات اللي سواها لنا جميل ومشهور.
الملفت للنظر برضه ان حتى بعض المطوّرين المعروفين متحمسين لفكرة الواقع الافتراضي، فهذا واحد من الأسباب اللي بتدفع الشركات وتحمسها في مشروعها هذا.
بعد ذكر كل هالمعلومات، أحس ان مايكروسوفت دخولها متأخر شوي. كل الشركات قفزت قفزات كبيرة في تطويرها لمشاريعها في الواقع الافتراضي، لدرجة ان سوني قالت في تصريح لها ان بروجيكت مورفيوس اكتمل بنسبة 85%! لكن كلامي هذا، مثل أي كلام في العالم، مجرّد رأي يمثلني ولا له أي علاقة في الحقيقة.
لذلك، ودّنا نعرف آراءكم في هالموضوع، شاركونا آراءكم وأصواتكم يارهيبين 🙂
بارعة
احمد خالد
