شكل مايكروسوفت بتدخل في عالم الواقع الافتراضي حسب هذا التقرير

بعد النجاح الكبير لمشروع الأوكيلوس رفت واللي يعتبر خطوة جريئة في مجال الألعاب تهافتت أغلب الشركات المنافسة للدخول في سوق الواقع الافتراضي مثل سامسونق وسوني. سوني طبعا كانت من أوائل الناس اللي دخلو في السوق كمنافس مباشر للأوكيلوس رفت مع إعلانهم عن مشروع نظارة مورفيوس اللي ما زالت قيد التطوير للبليستيشن 4.

بحسب تقرير اليوم طلع أن مايكروسوفت بعد شغالة على جهازها الخاص بتقنية الواقع الإفتراضي للإكسبوكس ون وأن الإعلان الرسمي غالبا بيكون في E3 السنة الجاية.

بحسب التقرير أن عدة التطوير فعليا موجودة عند أغلب المطورين وهذه الحركة تدل أن مايكروسوفت ناوية يكون عندها مجموعة من الالعاب والتطبيقات الجاهزة قبل ما يعلنون عن الجهاز بشكل رسمي.

المنافسة حلوة خصوصا أنها جاية من مايكروسوفت هالمرة لو طلع التقرير صحيح وأنهم ما راح يعلنون عن الجهاز لين ما يصير عندهم كذا لعبة يستعرضونها صراحة بتكون خطوة ممتازة أهني الشركة عليها. مشكلة سوني أنها اعلنت عن نظارتها بدون ألعاب حقيقية تستعرض قدرة جهازهم. وش رأيكم أعزائي بالتقرير لو طلع صحيح هل أنتم متحمسين لنظارة مايكروسوفت للواقع الإفتراضي أو لا؟ شاركونا أرائكم في التلعيقات.