محمد الشريف
بعد انتظار طويل من اللاعبين، أعلن يوتيوب قبل شوي ان موقعهم صار يدعم تشغيل ملفات فيديو بستين اطار في الثانية، وأطلقوا ثلاث فيديوات استعراضية للميزة.
يوتيوب من زمان كان يدعم 30 اطار فقط، وهذي كانت مشكلة بالنسبة لبعض اللاعبين والشركات، خصوصاً ان فيه ألعاب كثير حالياً تدعم 60 اطار في الثانية ولا كانوا يقدرون يعرضون سرعة الاطارات في موقع يوتيوب. الآن صاروا يقدرون أخيراً.
أطلقت يوتيوب ثلاث فيديوات استعراضية للميزة الجديدة، وهذا واحد منها:
في خبر ثاني رهيب، أعلن يوتيوب ان بامكان المشاهدين الآن دعم أصحاب القنوات من خلال دفعهم فلوس للقنوات من خلال خدمات معيّنة مثل كيك ستارتر، وبيتم زيادة الخدمات هذي. يقول واحد من مسؤولين يوتيوب: “عشان نشرح هالخطوة بشكل بسيط، أي مشاهد بامكانه الآن دعم القنوات اللي يتابعها من خلال دفع الفلوس، والقيمة تكون من دولار واحد الى 500 دولار”.
وش رأيك في الميزات الجديدة؟
احمد خالد
بارعة
أيمن اليغشي
