مع شركة ايزي تاكسي في السعودية، تقدر تلعب اكس بوكس وأنت في سيّارة الأجرة

أعلنت شركة Easy Taxi الرائدة في مجال تطبيقات سيارات التكسي للجوالات عن تعاونها مع مايكروسوفت لتضمين أجهزة إكسبوكس في سيارات التكسي حقت الشركة في السعودية.

فكرة ترفيه ركاب التكسي تعتبر الأولى من نوعها في المنطقة وتهدف لجعل الركاب يستمتعون بمشاويرهم ويلعبون ألعاب زي فيفا 15 وما يشيلون هم الزحمة والخط ومتى بيوصلون يعني ما يمديك تخلص مباراة إلا وانت واصل مشوارك بدون ما تحس.

وبهذه المناسبة صرح المدير العام لشركة Easy Taxi الأخ Eugen Brikcius وقال:

“هدف هذه الحملة هي رسم البسمة والسرور في وجه جميع الركاب الذين يختارون سيارات Easy Taxi كوسيلة نقل لوجهتهم ولتشجيع زبائننا القدامى في الإستمرار في إستتخدام تطبيق التكسي الرقم واحد في العالم بشكل أكثر”.

البرنامج إنتشر إنتشار رهيب في منطقة الشرق الأوسط خاصة في مدن المملكة زي جدة والرياض وايضا في البحرين والأردن والكويت وأخيرا قطر. التطبيق تقدر تحمله على جوالك بس إكتب Easy Taxi في خانة البحث في متجر التطبيقات على جوالك سواء كان أندرويد أو أيفون.

حاليا ما يندرى وش جهاز الإكسبوكس اللي مختارينه هل هو إكسبوكس ون أو إكسبوكس 360 بس تدري حتى لو حطو بليستيشن 2 الفكرة نفسها رهيبة خاصة مع زحمة الرياض الفضيعة اللي تزداد يوم بعد يوم.

وش رأيكم شباب بهذه الفكرة الرهيبة وهل ممكن تجربونها في أحد مشاويركم؟ شاركونا أرائكم في التعليقات.