وين المزايا اللي وعدتنا فيها سوني مع بلاي ستيشن 4 ولا شفناها الى الآن؟رئيس سوني يجاوب

في مؤتمر الكشف عن بلاي ستيشن 4، سوني أعلنت عن ميّزات ما شفناها الى الآن، مثل انك تطفي الجهاز (وضعية السبات) وترجع تشغله وتكمّل اللعبة اللي كنت تلعبها مباشرة، بدون ما تحتاج الى انك تشغلها من جديد، برضه مثل امكانية ان خويّك يكمّل عنك اللعب عن طريق الانترنت.

في مقابلة ، تكلّم شوهي يوشيدا عن الموضوع وقال ان هالميّزات قالوا عنها وقتها انها ما راح تجي مع اطلاق الجهاز، وان هالميزات بتجي بعد اطلاق الجهاز.

يقول يوشيدا: “فريقنا يشتغل على هالميزات حالياً. فيه ميزات أعلنا عنها في شهر فبراير السنة اللي راحت وقلنا انها ما راح تجي مع اطلاق الجهاز. الميزات هذي لسا ماهي جاهزة”.

يقول يوشيدا: “كل أسبوع أسأل الفريق التقني عن هالميزات”. برضه قال يوشيدا عن تذكير الناس له بالميزات هذي.

وش الميزات اللي تنتظرها من بلاي ستيشن 4؟