أخبار

ناوي تحمل لعبة Xenoblade Chronicles 3D على جهازك New 3DS؟ لازم تشتري كرت ذاكرة جديد

3dssdcard

الظاهر أن لعبة Xenoblade Chronicles 3D على New 3DS بيكون حجمها كبير شوي ولا راح يكفيها سعة 4 قيقا اللي تجي مع الجهاز.

ننتندو صرحت على موقعها الرسمي وقالت أن النسخة الرقمية من لعبة Xenoblade Chronicles 3D ما تركب مع كرت الذاكرة اللي يجي مع أجهزة New 3DS. تحتاج تشتري كرت بسعة 8 قيقا عشان تقدر تحمل اللعبة من متجر eShop.

طبعا لعبة Xenoblade Chronicles 3D هي أول لعبة تتطلب جهاز New Nintendo 3DS عشان تشتغل نظرا لمتطلبات اللعبة الكبيرة من ناحية سعة الرام وقوة المعالجة الكبيرة الموجودة فقط في النسخة الجديدة من أجهزة 3DS. وأيضا هي أول لعبة تتطلب سعة إضافية أكبر من اللي موجودة مسبقا مع أجهزة New 3DS.

شخصيا ما أنصح أي أحد يشتري ألعاب ننتندو بشكل رقمي لا على الوي يو ولا حتى على 3DS لأن الصراحة الشركة ما تضمنهم بمجرد ما يخرب جهازك تروح عليك كل ألعابك اللي شريتها من المتجر إلا إذا قدرت تكلم خدمة العملاء حقتهم وقدرت تقنعهم أنك أنت صاحب الجهاز ساعتها يصير خير.

وش رأيكم شباب أحد متحمس للعبة على New 3DS وهل في أحد مستعد يشتري الجهاز عشانها؟ شاركونا أرائكم في التعليقات.

الوسوم
اظهر المزيد

يزيد السويري

مترجم تخصص لغة إنجليزية أحب ألعاب ننتندو زي "super smash bros" و "Mario & Luigi" و"ماريو 64" أموت في شي إسمه Dynasty Warriors و نوع الألعاب المفضل عندي هو"hack and slash".
إغلاق