يزيد السويري
أخيرا وصل تحديث شهر مارس لجميع ملاك جهاز الإكسبوكس ون اليوم ومعه ميزات كثيرة ومهمة مثل مشاركة إسمك الصدقي وإمكانية إلتقاط screenshots لشاشة الجهاز. والحين بلخص لكم أهم ما جاء في التحديث:
أهم مميزات تحديث شهر مارس
- ميزة إلتقاط صورة للشاشة ( Screenshots ). الحين تقدر تاخذ صورة لحظية لشاشة الجهاز في أي وقت بضغطك لزر الإكسبوكس مرتين وبعدين تضغط زر Y لحفظ الصور. تقدر بعد تقول للجهاز “Xbox, take a screenshot” كأمر صوتي.
- تطبيق Upload app. الحين تقدر تدير صورك ومقاطع الفيديو حقتك في التطبيق وعشان تختار صورة معين تكون خلفية جهازك رح للتطبيق وبعدين افتح الصورة بحجمها الكامل وإضغط زر Menu وبعدين إختار ضبط الصورة كخلفية. تقدر تستخدم التطبيق نفسه لمشاركة صورك في شريط النشاطات حقك أو تضيفهم في رسالة معينة أو تشاركها في تويتر أو تخزنهم في خدمة OneDrive.
- ميزة إقتراح الأصدقاء ( Suggested friends ). إذا بغيت تتعرف وتضيف أصدقاء جدد رح لقائمة Friends وبعدين إختار Suggested friends.
- إمكانية مشاركة إسمك الحقيقي. طبعا ما زال بامكانك إستخدام Gamertag الخاص فيك على شبكة إكسبوكس لايف بس الآن يمديك تشارك إسمك الحقيقي مع الناس ببساطة رح لFriends وبعدين My profile وبعدين Name sharing settings.
- تحسينات عامة على نظام المحادثة في البارتي ( Party chat enhancements ). مع تحديث اليوم اضافت مايكروسوفت لنظام المحادثة في البارتي أيقونتين للتعريف بالمايكروفون اللي يستخدمه الشخص. إذا لقيت قدام إسم خويك أيقونة الكنيكت فهذا معناته أنه يستخدم الكنكت كمايكروفون. أما إذا لقيت عنده أيقونة السماعة فهذا معناته أنه يستخدم المايكروفون الموجود في السماعة.
- تحديد مستوى عرض شفافية القوائم ( Tile transparency ). مع تحديث اليوم تم إضافة تحديد مستزى عرض شفافية القوائم بدرجات مختلفة. إذا بغيت تعدل عليها رح ل Settings وبعدين My Xbox وبعدين Tile transparency وإختر الدرجة اللي تناسبك.
- ميزة رفع بلاغ إزعاج ( Report spam ). تم إضافة خيار رفع بلاغ spam لإدارة إكسبوكس. رح للرسالة اللي تبي تسوي لها بلاغ وإختر Report وبعدين إختر Spam.
وش رأيكم شباب وش أكثر شيء متحمسين له في تحديث اليوم؟ شاركونا ارائكم في التعليقات.
احمد خالد
Saudi Gamer