أعلنت مايكروسوفت أن مبيعات الإكسبوكس ون إرتفعت ثلاث أضعاف خلال الأسبوعين اللي طافت بسبب عرض خفض سعر الجهاز واللي تخطت مبيعات البلايستيشن4 في نفس الفترة في أمريكا. علقت الشركة بلسان المدير التنفيذي الأخ يوسف مهدي وقال:
” ردود الفعل والإقبال الكبير على الألعاب القوية اللي نزلت للجهاز وتنوع الحزم المعروضة كانت شيء رائع, وإرتفعت المبيعات بشكل كبير من يوم ما بدأ عرض التخفيض 2 نوفمبر. مقارنة بالاسبوع اللي فات إرتفعت مبيعات الجهازثلاث أضعاف. في فترة موسم الأعياد المزدحم كان الإكسبوكس هو أكثر جهاز مبيعا من بين أجهزة الجيل الثامن في الأسبوعين اللي فاتت في أمريكا. تقريبا بعنا أكثر من 10 ملايين جهاز للمحلات”.
مقارنة بسوني اللي باعت أكثر من 13.5 مليون جهاز للمستهلكين ما زلنا ننتظر من مايكروسوفت أرقام المبيعات الفعلية اللي بيعت على المستهلكين.
إرتفاع ضخم ومبشر خصوصا مع صدور ألعاب حصرية قوية زي كولكشن هيلو ولعبة صن سيت أوفر درايف. وش رأيكم شباب هل في أحد شرى إكسبوكس ون مؤخرا أو ناوي يشتريه قريب؟ شاركونا أرائكم في التعليقات.
