أول معلومات التحديث الشهري القادم لاكس بوكس ون، لشهر ابريل

اعلنت مايكروسفت عن اول التفاصيل تحديث شهر ابريل للاكس بوكس ون الي بيضيف ميزات جديدة وبيحسن بعض الأشياء.

وصل التحديث لأعضاء برنامج Preview Program (خدمة تسمح لك تختبر تحديثات حق الاكس بوكس قبل ماتنزل لبقية الناس)، لكن هذي المرة التحديث بيوصل على جزئين و اول جزء منه الان قد نزل.

بعد تحميل التحديث لاحظ الناس بعض التغيرات بالتنبيهات (Notifications) حقت الأنجازات (Achievement) ، الان صار اول ما تفتح انجاز بيجيك اسم الأنجاز و الشيء الي سويته عشان تحصل عليه، هذا شيء بيوفر شوية وقت على الناس المهتمين بتجميع لأنجازات (Achievement).

بيضيف التحديث كمان بعض التحسينات على Party chat الان اذا واجهت مشاكل بالدردشة التطبيق بيقدر يحدد لك ايش المشكلة بالظبط، مثل مشاكل الأتصال بالشكبة او اذا جهاز الكينيكت حقك مو مفعل فيه الدردشة (مثل الي ظاهر بالصورة الي فوق).

اخيرا تم تحسين امكانية الوصول لواجهات (Game Hubs) من Activity Feed، الان بكل سهولة تقدر تربط الواجهات (Game Hubs) بأشياء خاصة باللعبة مثل الأنجازات الصور او مقاطع الفيديو.

بتعلن مايكروسوفت عن بقية تفاصيل الجزء الثاني من التحديث الأسبوع الجاي.

انتم وش رأيكم بهذي الميزات الجديدة؟