تكلم رئيس قسم الأكسبوكس الجديد، فيل سبينسر (Phil Spencer)، عن تصور الشركة لبرنامج جيمز ويذ جولد (Games With Gold) والاهداف اللي يأمل ان يحققها معهفي الاكس بوكس ون. برنامج جيمز ويذ جولد (Games With Gold) هو برنامج يقدم العاب مجانية شهريا لمشتركي الجولد في الاكس بوكس لايف (Xbox Live).
صرح في مقابلاته في (GDC) بأن مايكروسوفت تحاول تلبي طلبات اللاعبين، “البرنامج كان ناجح بالنسبه لنا، وهو جزء من القيمة اللي تشوفها الناس من خلال اشتراكهم بالعضوية الذهبية للاكس بوكس لايف. ما أعلنا عن أي خطط، لكن راح يختلف عن أول وراح يكون افضل، لكن لازم اللاعبين يعرفون اننا نفهم توقعاتهم للقيمة العالية للعضوية الذهبية ونعرف ان قيمة المحتويات والمميزات اللي تجي مع العضوية الذهبية امر مهم للناس. منتبهين لهذا الشيء بكل تأكيد”
سبينسر تجنب المقارنة مع خدمة بلايستيشن بلس، “اسهل طريقة للإجابة هي انه من بداية اطلاقنا لهذي الخدمة صرنا نتلقى ملاحظات من اللاعبين عن رغبتهم بالطريقة اللي يجب ان يعمل فيها البرنامج” اجابته كانت دبلوماسية 🙂
“اعتقد اننا حاولنا نستجيب لملاحظات اللاعبين، لكن مانقدر نلبي كل شيء يطلبه اللاعب، لكننا نحاول ان نكون منفتحين بأفكارنا. حاليا قاعدين نستمع لملاحظات اللاعبين على برنامج جيمز وذ جولد للأكس بوكس 360، وفي نفس الوقت نفكر بخطط مستقبلية ممكن نعلن عنها. الملاحظات الي تجينا من اللاعبين مستمرة ونشطة ونبي نتأكد اننا نلبي اللي يطلبه اللاعب”.
احس انه يبي لهم شغل كثير حتى يوصلوا لمستوى الالعاب اللي يقدمها البلايستيشن بلس. أيش تتوقعون يكون مستقبل البرنامج؟ وهل تعتقدون انه بيوصل للمرحلة اللي ينافس فيها البلايستيشن بلس؟
