شركة بروك ديزاين ال ال سي (Brook Design LLC) صممت بطارية خاصة ليد تحكم الاكس بوكس ون، اسم البطارية هو البطارية الخارقة.
البطارية راح تعطيك 90 دقيقة لعب اذا شحنتها لمدة 90 ثانية فقط! والشركة المطورة تعطيك ضمان ان البطارية ماراح تضطر انك تغيرها الا اذا شحنتها اكثر من 500,000 مرة، البطارية مصممة بحيث انها تكون صديقة للبيئة.
كل هذا الكلام ماعليه اختلاف وجميل لكن الشيء الشاطح جدا هو ان البطارية فيها ميزة الرقابة الابوية عن طريق وضع مؤقت لها، يعني تقدر تبرمجها انها مثلا بعد ساعة تنطفي على ابنك او اخوك الصغير 🙂
البطارية قيمتها 59 دولار مايعادل 222 ريال سعودي، واذا اشتريت بطاريتين راح تجيك بسعر 64 دولار مايعادل 240 ريال. العروض على موقع Kickstarter و راح يستمر البيع لمدة 40 يوم، شركة بروك هدفها انها تجمع اكثر من 120,000 دولار.
اذا ودك تشوف البطارية ليد تحكم الاكس بوكس على موقع Kickstarter جبنا لك الرابط.
ميزة انها تشحن بسرعة ممتازة وتفك ازمة صراحة.
