مطوّر The Witcher 3: محاولات مايكروسوفت في حل مشكلة عرض 1080p ما راح تنجح

صرّح واحد من مطوّري اللعبة القادمة The Witcher 3: The Wild Hunt بأن محاولات مايكروسوفت في حل مشكلة دقة العرض في جهاز اكس بوكس ون ما راح تحل المشكلة.

في مؤتمر GDC الخاص بالمطورين، عرضت مايكروسوفت حلول معيّنة لهذي المشكلة. بالاز توروك، واحد من المصممين الرئيسيين في استديو التطوير، تكلم عن الموضوع بشكل تقني عميق شوي، وقال في نهاية كلامه ان “أكثر الألعاب الموجودة حالياً ما راح تقدر تشتغل بدقة 1080p على اكس اوكس ون”.

وضّح المطوّر كلامه أكثر وقال ان الألعاب ممكن تشتغل بدقة 1080p من الناحية التقنية، ولكن تكلفة العمل بالطريقة اللي عرضتها مايكروسوفت بتكون عالية الى درجة انها ما تسوى على المطوّر انه يسويها.

اكس بوكس ون له فترة طويلة وهو يحصل على النسخة “الأقل” تقنياً مقارنة ببلاي ستيشن 4، ولو ان الفروقات هذي أنكرتها مايكروسوفت وتحدّت اللاعبين انهم يلاحظون الفرق.