شركة مايكروسوفت (Microsoft) اللي اعلنت عن ميزة مشاركة اللعب بين الاكس بوكس ون والبي سي وكبتنا عن هذا الشيئ قبل كذا. اعلنوا ايضا ان بامكانك الحصول على اغلب العاب خدمة الاكس بوكس لايف (Xbox Live) الموجودة للاكس بوكس ون و راح تشتغل على ويندوز 10.
لكن هذا التكامل والاشتراك بين الاجهزة راح يخلينا نسال سوال مهم جدا وهو: هل لاعبين البي سي لازم يكون عندهم اشتراك لخدمة اكس بوكس لايف قولد (Xbox Live Gold) لكي يلعبوا اونلاين في هذي الالعاب؟
جاوب احد المسؤولين في مايكروسوفت ان هذا الشيء مو من ضمن خططهم و انهم مايبغوا اللاعبين يدفعوا اي شيء لهذي الخدمة.
اكد هذا المسؤول على تويتر وقال: “اشتراك اكس بوكس لايف قولد غير متطلب لالعاب الاونلاين لخدمتنا على اجهزة الويندوز 10 في البي سي والجوالات”
كلام ممتاز من مايكروسوفت. هذي الخدمة في نظري راح تقوي سوقهم بشكل كبير وراح تعطيهم افضلية كبيرة على سوني خصوصا للاشخاص اللي يحبوا يلعبوا على البي سي. اذا مهتم اكثر عن الاكس بوكس كتبنا خبر عن يد تحكم جديدة رهيبة للاكس بوكس ون.
اش رايكم بالخبر؟
