تقرير: إغلاق إستوديوهات ميكروسوفت للترفيه بشكل كامل

بعد الأخبار المتتالية عن تخلي ميكروسوفت عن إستوديوهاتها للترفيه وفصل أغلب الموظفين اللي وصل إلى فصل 3000 موظف. اليوم جا الدور على الاخت نانسي تيلم اللي تشغل منصب رئيسة قطاع الترفيه الرقمي واللي إنضمت عام 2012 للشركة بالإضافة لمساعدها الأيمن الأخ جوردن لفين اللي بيطلعون من الشركة نهاية السنة عشان يعطونهم وقت يخلصون بعض المشاريع الحالية. ميكروسوفت كان عندها توجه إنها تسوي مسلسلات ترفيهية حصرية لمنصة الاكسبوكس زي سلسلة هيلو نايتفول ( Halo: Nightfall ) لكن المشاريع الثانية ألغيت للابد على ما يبدو.

الرئيس الجديد للشركة ميكروسوفت الاخ ناديلا قال أن الشركة تحتاج تركز أكثر على سوق برمجيات البي سي. وفي كلام أن واحد من أكبر مستثمري الشركة ماهو مبسوط أبدا من وجود قسم الإكسبوكس في الشركة حتى الآن.

الله يستر من هالتغييرات والفصل اللي قاعد يصير في الشركة أتمنى ما توصل لقسم الإكسبوكس. وش رأيكم أعزائي في قرارات الفصل في الشركة هل في نظركم ممكن يأثر هذا على قسم الإكسبوكس اللي يهمنا حنا كلاعبين؟ شاركونا أرائكم في التعليقات.