بعد أقل من اسبوع من اطلاقها بشكل رسمي، أعلن موقع التورنت المعروف TorrentFreak ان لعبة التصويب الجيّدة وولفنشتاين: ذا نيو أوردر (Wolfenstein: The New order) تم تحميلها بشكل غير قانوني أكثر من مئة ألف مرة.
الغريب في الموضوع ان اللي يبغون اللعبة اشتكوا من حجمها الكبير، وهو 43 جيجا، وهذا الشي خلا بعضهم يغيّر رأيه ويقول أروح اشتريها بشكل قانوني من ستيم وأحملها بشكل أسرع! يمكن شركات تطوير الألعاب بتنتبه لهذي الشغلة وبتصير تحط ملفاتها بشكل غير مضغوط عشان يكبر حجم اللعبة، وبكذا يصير مشوار على اللي يبغى يحملها بشكل غير قانوني، واحتمال يغيّر رأيه ويشتريها عشان يحملها بشكل سريع، مثل ما صار مع اللطيفين اللي قالوا هالكلام.
عموماً، المفروض ان الأخبار السيئة هذي ما تؤثر على المطوّر، لان لعبته أخذت المركز الأول في مبيعات ألعاب الفيديو في بريطانيا. غير كذا، يمكنهم اكتشفوا طريقة يحاولون يقنعون فيها الهاكرز انهم يشترون ألعابهم 🙂
وش رأيك في لعبة وولفنشتاين؟
