محمد الشريف
هل قد تصورت انك بتخاطب Cortana، أحد الشخصيات المشهورة في سلسلة Halo، عن طريق تلفونك وانها بتاخذ وتعطي معك؟ احتمال يصير هذا الشي قريبًا.
أعلنت مايكروسوفت عن نيّتها لاصدار تطبيق Companion App على أنظمة iOS وآندرويد. التطبيق هذا له عدّة وظايف، ممكن من أهمها بالنسبة لنا كجيمرز انه بيحتوي على Cortana كمساعدة لك، بحيث تقدر تطلب منها تبحث عن لك شي معين في الانترنت، وتعطيك النتايج. فكرتها مثل فكرة Siri و Google Now.
في حال كنت تعرف انجليزي، وفي رواية أخرى عنقلينزي، تقدر تشوف الفيديو وتاخذ فكرة عامة عن التطبيق:
بالاضافة الى هذا، التطبيق هذا بيعطيك امكانية انك تدخل ملفات جهازك اللي حاطها على البي سي من جوالك، بحيث تقدر تدخل الملفات وتتعامل معها. بما ان التطبيق هذا من تطوير مايكروسوفت، فطبيعي ان نسخة ويندوز فون بتكون هي الأفضل. قالت مايكروسوفت في التدوينة ان تطبيقها هذا بيكون “محدود” على آندرويد و iOS.
التطبيق بيكون متوفر مع ويندوز 10.
وش رأيك في فكرة مايكروسوفت في دمجها لعناصر مأخوذة من الجيمز في نظام ويندوز 10؟
بارعة
احمد خالد
