محمد العليمي
تطبيق الاكس بوكس الي بيجي مع نظام ويندوز 10، الان صار متوفر لمختبري التطبيق، بمعنى ان التطبيق الآن تحت الاختبار في برنامج اسمه Insider من مايكروسوفت، تقدر تشترك فيه وتختبر هالتطبيق مع النسخة التجريبية لويندوز 10.
“مع النسخة التجريبية لتطبيق الاكس بوكس فريقنا الان هدفه انه يعطيك الميزات الأساسية، مثل توفير دقة عالية في بث الالعاب من الاكس بوكس ون للبي سي، ونقدم تجربة مميزة بأستخدام الماوس والكيبورد، وبنستمر بدعم التطبيق على طول الفترة القادمة”.
خطة مايكروسوفت عشان تطور التطبيق هي انها تشوف اراء المستخدمين عن ميزات التطبيق وايش الحاجات الي تحتاج تطوير، الان تقدر تشوف خصائص الاساسية للتطبيق بهذا الفيديو:
اهم الخصائص الي بتكون موجودة في تطبيق الاكس بوكس هي:
- حسابك الشخصي (Your Profile)
تقدر منه تشوف اخر نشاطاتك، اخر انجازاتك بالالعاب (achievements)، كمان تقدر تشوف اخر اخبار الالعاب الي شريتها مثل الفيديوهات الجديدة.
- نشاطك (Activity)
منه بتقدر تشوف اخر لعبة لعتبها،وتنشر منه على حسابك.
- قائمة الانجازات (Achievements)
من هذي القائمة بتقدر تشوف كل الالعاب الي عندك وشوف الانجازات الي جبتها.
- متابعة الأصدقاء (Following)
من خلاله بتقدر تشوف قائمة اخوياك، وتقدر تشوف الالعاب الي تتابعها.
- مقاطع فيديو للعبة (Game Clips)
من هذي القائمة بتقدر تشوف مقاطع فيديو للالعاب الي عندك.
- القائمة الرئيسية (Home)
الصفحة الرئيسية للتطبيق الاكس بوكس بتقدم لك طرق اسرع عشان توصل لأشياء مثل اخر الالعاب الي لعبتها،قائمة اخوياك المتصلين بالشبكة،وخرابيط ثاينة.
- اخر الالعاب الي لعبتها (Recently Played)
بهذي القائمة بتقدر تشوف ايش اخر الالعاب الي لعبتها و الانجازات الي جبتها.
- اخوياك (Friends)
بتقدر تشوف قائمة اخوياك والاجهزة حقهم الي مسجلين بالتطبيق الاكس بوكس،كمان تقدر تروح لصفحاتهم وتتابعهم، وتشوف الانجازات (Achievements) حقهم، اخر الالعاب الي سو لها بث.
- اشخاص ممكن تعرفهم (People you might know)
تطبيق الاكس بوكس الي موجود ب ويندوز 10 يقدم لك قائمة فيها ناس ممكن تعرفهم مثلا الناس الي بتابعوا البتوثات حقك.
- الأشخاص المهمين في اكس بوكس (VIPs on Xbox)
تقدر كمان تتابع الناس او القنوات المشهورة عشان توصلك البتوثات حقهم.
- قائمة اخر الاخبار (Activity Feed)
بهذي القائمة بتشوف التعليقات الي كتبتها، وتشوف اخر البتوثات من الناس الي تتابعهم.
- الرسائل (Messages)
بهذي القائمة بتشوف الرسائل الي كتبتتها، والاشعارات.
- الاعدادات (Settings)
بتقدر تشوف رقم الاصدار حق التطبيق،وخيارات تسجيل الخروج.
- قائمة التنبيهات (Live tile)
تختار اذا تبي تشوف اشعارات الرسائل والتنبيهات بالواجهة الرئيسية.
التنبيهات (Notifications) للأشياء هذي:
- تفضيلات الاون لاين (Favorite online)
تختار اذا تبي يجيك اشعار ان واحد من اخوياك صار اون لاين.
- اشعار اذا بدأ بث (Twitch broadcast started)
يجيك اشعار اذا واحد من الناس او القنوات الي تتابعهم سوى بث.
- اشعارات للرسائل الجديدة (Message)
هذا اذا تبي يجيك اشعار اذا جت لك رسالة جديدة.
وش رأيكم بالميزات اللي بيقدمها تطبيق اكس بوكس؟
احمد خالد
محمد ليلة