زي مانعرف ان نظام ويندوز 10 راح ينزل على اجهزة الـ PC قريبًا هذا الصيف، النظام ذا راح يكون موجود على جهاز الإكسبوكس ون لكن بعد فترة الصيف.
يقول فيل سبنسر رئيس إكسبوكس:
“مستخدمين اكسبوكس ون راح يجربون نظام ويندوز 10 ،لكن بعد مرور الصيف الحالي”.
متوقع يكون في بدايات الخريف القادم. طبعاً الخبر هذا جا بعد ما سأل شخص فيل سبنسر على حسابه في تويتر وقاله متى راح ينزل الويندوز 10 عالإكسبوكس ون.
أول ناس راح يجربون النظام ذا هم المسجلين في خدمة “Xbox One’s Preview Program” الي هي متاحة فقط عن طريق الدعوات.
بالاضافة الى هذا، يقول فيل :”طبعا ماراح نشوف أشخاص يشتغلون على برنامج الإكسل مثلا في الإكسبوكس ون، لكن راح تكون تجربة فريدة من نوعها لما يتشابه كمبيوتر مع الإكسبوكس ون”.
وش تتوقعون التغييرات اللي بتصير مع اكس بوكس ون اذا وصل له نظام ويندوزر 10؟
