مقالات

ليش سلسلة Super Smash Bros مالها اي منافس قوي بتاريخها؟!

qbf1Mxt

مع زحمة الالعاب الجاية بالشهور الاخيرة لسنة 2014 والالعاب القتالية القوية اللي تم الاعلان عنها؛ مثل (Mortal Kombat X) و (Tekken 7) و (Dead Or Alive 5) و(Last Round) جلست قبل كم يوم أفكر بلعبة قتال قرّب موعد اصدراها، وتعتبر شعبيتها ما تقل عن اي لعبة قتال ثانية. لكن بنفس الوقت طريقة اللعب فيها والتنويع الكبير ماتلقاه الا فيها، طبعا أغلبكم عرف اللعبة، وهي سلسلة سوبر سماش بروس (Super Smash Bros)، سلسلة جدا عريقة ومبيعاتها تعدت سقف (12 مليون) نسخة لجهاز نينتيندو المنزلي وي (Wii). بمقالتنا اليوم راح اذكر (4) أسباب، وهالاسباب اشوفها اقوى الاسباب اللي صنعت جوهر السلسلة، وبنفس الوقت هالاسباب تسببت بعدم وجود لعبة منافسه لها من اول اصدار للسلسلة بتاريخ (1999) ليومنا هذا!.

اللعبه موزونه بشكل ممتاز

Super Smash Bros Wii U - 05

على الرغم من تنوع المقاتلين؛ سواء بأحجام كبيرة او سريعين او بطيئين او حتى لو شخصيات تطير؛ اللعبه موزونة بشكل خرافي، الشخصيات بالاحجام الكبيره ضرباتهم تكون جدا قوية، بس بنفس الوقت بطيئين، والشخصيات الخفيفة سرعتها جدا عالية، بس بنفس الوقت ضرباتهم ماهي قوية، حتى الـ (Final Smash) لكل الشخصيات تلقى اغلبها موزونة ولها طرق لتتفادها، غير مراحل اللعبة المتنوعة باشكالها، والديناميكيه اللي بأغلب المراحل، وراح تحصل نفسك تتعود على المراحل كلها مع الوقت.

4 لاعبين بنفس المرحله يتنافسون على البقاء للأفضل

WiiU_SuperSmashBros_screen_01.0_cinema_960.0

أفضل لعبه تجمع (4) لاعبين بنفس المرحله، بدال ما تجلس انت وواحد من اصحابك تقاتلون بعض في العاب مثل (Mortal Kombat) او تلعبون 2 ضد 2 بنظام الافرقه ببعض الالعاب مثل (Tekken (Tag Tournaments 2. اللعبة تعطيك الحريه انك تلعب 4 لاعبين بنفس الوقت وتتنافسون للمركز الاول، غير انك تقدر تختار وقت المرحله؛ لحد (99) دقيقة، او تختار اي نوع من الاغراض باللعبة، مثل كورات البوكيمون والخ، وتدعم الاونلاين لـ (4) لاعبين وبطولات كثيرة تتنافس فيها.

تنوع كبير بالمراحل

WiiU_SuperSmashBros_Stage06_Screen_05

تنوع المراحل بين كل جزء عن الي قبله مهول الصراحه, وبكل مرحله تكون مقتبسه من مراحل حصريه لسلاسل نينتيندو العريقه, مثل مرحلة Delfino Plaza من لعبة Mario Sunshine ومرحلة Temple من سلسلة Legend of Zelda وغيرها الكثير, غير بعض المراحل تكون متحركه مثل مرحلة Corneria تكون بفوق طائرة Star Fox ومرحلة Rumble Falls من لعبة Donkey Kong وتحتاج انك تنزل بالمرحله تحت لأن الكاميرا جالسه تنزل ولو نزلة كاميرة اللعبه وانت بأعلى المرحله راح تموت, وأفكار وبيئات كثيره باللعبه.

لكل شخصية باللعبه يملك Final Smash خاصه قيه

WiiU_SuperSmashBros_NewAttack_Screen_09

من أكثر العناصر اللي تجذب الاعبين للسلسلة؛ هي الفاينل سماش، واللي تكون بشكل دائرة بالمرحله وشكلها مثل شعار السلسلة، الفاينل سماش باللعبة يطلع بشكل عشوائي او انك تكسر احد العلب اللي تطلع بالمرحله، وممكن تحصّل الفاينل سماش فيها، بس ماتقدر تاخذه بسهولة؛ لازم تضريها بشكل كافي لين تاخذها بعدين تفعلها وتطلع الفاينل سماش او الضربه القويه لشخصيتك، الفاينل سماش لكل شخصية يختلف تماما عن الشخصيات الثانية، عندك مثلا (Sonic) يتحول لـ (Super Sonic) ويطير بالمرحلة واذا بس لمسك راح يسبب ضربة قوية لك، وشخصية (Smaus) من سلسلة (Metroid) الفاينل سماش لها انها تطلق الـ (Zero Laser) واذا ضربت اي احد ممكن يموت من قوة الضربة. وغيرها الكثير.

في الختام

هذي برأيي من أهم أسباب نجاح السلسلة، وعدم منافسة اي لعبه تجمع لك 4 لاعبين بنفس المرحلة والمميزات الثانية لهذي اللعبة. طبعا انا اُعتبر من اكبر عشاق السلسلة من أول جزء لها بجهاز الـ (N64)، وبكل جزء معدل لها؛ لعبي لها ما يقل عن 2000 ساعه للجزء الواحد، سواء لحالي او مع اقاربي واصحابي، قرّب موعد نزول اللعبه لجهاز الـ (3DS) ومن بعده لجهاز الـ (Wii U). وش رايك بالسلسلة ككل؟ ووش هي شخصياتك المفضلة؟ نبغى نشوف ردك بالتعليقات!

الوسوم
اظهر المزيد

محمد الدوسري

هاردكور جيمر من ايام الـ16Bit .. أغلب انواع الالعاب تعجبني .. وألعب بجميع الاجهزهـ المنزليه والمحموله والـPC بدون اي تفضيل .. سلاسل كثير تعجبني ولكن جميعهم بخلف سلسلة The Legend of Zelda .
إغلاق