بلاي ستيشن فيتا من أقوى الأجهزة المحمولة، اذا ما كان أقواها على الاطلاق. جودة الجهاز ممتازة جدًا، وعدد كبير من اللاعبين يحبون الجهاز لدرجة اني شفت كثير منهم يتعاطفون معه.
سوني ما تكلمت عن الفيتا في مؤتمر E3، ولا حتى مؤتمر جيمزكوم 2014، لكن في مؤتمرهم في اليابان اللي صار أمس. أعلنت سوني عن الكثير من الألعاب للجهاز.
في تصفّحي اليومي للمواقع الغربية، لقيت الموضوع مفتوح للنقاش.
جايز ان أسباب عدم شراء الفيتا تكون نفس الأسباب اللي قريتها في المواقع الغربية، وجايز انها تكون مختلفة. لذلك فتحت هذا الموضوع عشان نحاول نعرف ليش اللاعبين عندنا ما اشتروا بلاي ستيشن فيتا للآن.
حاولت أوصل لبعض الأسباب اللي ما خلّت الناس يشترون فيتا الى الآن، وحطيتها في خيارات التصويت لهذا الموضوع. بامكانك تختار السبب اللي ما خلاك تشتري الجهاز، واذا السبب ماهو موجود في خيارات التصويت فبامكانك تشاركنا السبب في التعليقات.
