أخبار

ليش Borderlands الجديدة ما راح تنزل على أجهزة الجيل الجديد؟ رئيس شركة التطوير يجاوب

borderlandsthepresequelcoverphoto

بعد ظهور الاشاعات وتأكيدها من جير بوكس سوفت وير (Gearbox Software)، الكثير جا في باله سؤال: ليش قرروا ينزلون Borderlands: The pre Sequel على بلاي ستيشن 3 واكس بوكس 360 والبي سي، ولا ينزلونها على أجهزة الجيل الجديد؟

يقول راندي بيتشفورد (Randy Pitchford): “ترا مسألة انك تسوّي لعبة على الجيل الجديد ماهي ببلاش. دائماً اذا جينا نقرر وين بنحط مجهوداتنا في التطوير، نحاول نحطها على اللعبة نفسها فقط”.

“حتى لو حاولت انك تتخيل ان ان لاعبين بوردرلاندز اشتروا أجهزة الجيل الجديد، ما راح تقدر تقول انهم كلهم اشتروا أجهزة الجيل الجديد وبنسبة 100%”.

ما عندي شك ان هالقرار أحبطني كثير، وغالب الظن اني ما راح ألعب هذا الجزء ولو اني لعبت كل الأجزاء اللي قبل وأدمنت عليها. شخصياً من شريت البلاي ستيشن 4 وأنا أحاول أفتك من البلاي ستيشن 3، صعبة علي اني أرجع للواء بعد ما قفزت خطوة قدام، خصوصاً والفرق الكبير اللي بين الجهازين، خصوصاً يد التحكم.

لكن برضه أتفّهم قرار جير بوكس تماماً، مسألة تطوير الألعاب هاليومين غالية جداً وأي تلاعب في هالأمر احتمال يقلب أوضاع كل الشركة فوق تحت. تقدر تقول ان جير بوكس يبغون يلعبون على المضمون، على الرغم من انهم شايفين النجاح الساحق لأجهزة الجيل الجديد، واللي ماحد توقعه.

وش رأيك في كلام راندي؟ وهل بتلعب اللعبة على جهازك المنزلي القديم، ولا بتريح نفسك وتلعبها على البي سي؟

المصدر

الوسوم
اظهر المزيد

محمد الشريف

كاتب ومدير تحرير موقع سعودي جيمر. أعشق ألعاب الفيديو من يومي صغير (ايه كلنا كذا)، أحب ألعاب التخفّي والرعب، وأعشق سلسلة Metal Gear ولعبة Silent Hill وICO.
إغلاق