Jalal Majhali
SharePlay هي ميزة مخطط أنها تجي بالتحديث 2.0 على البلايستيشن 4 بوقت لاحق من السنة ، المهم غير فكرة الخدمة الي عارفينها ، احنا مانعرف وش الألعاب الي بتكون متوافقه مع الخدمة .
في مقابلة مع يوشيدا ، شرح لنا بالتفصيل الممل كيف الخدمة بتشتغل لمالكي البلايستيشن 4 ، ” كذا تشتغل ، مثلا خويك عنده لعبة ماهي عندك ، وأنت تطلب منه أنه يخليك تلعبها ، وإذا أرسل لك دعوة بتقدر تخش البلايستيشن 4 حقه ، وتلعب وأنت تتفرج للفديو الي يبث ، تقدر تسميها Playstation now مصغرة”
وش هي الألعاب الي بتدعم الخدمة ؟ يقول يوشيدا أن أي لعبة تشتغل بالDualShock 4 بتكون متوافقة مع الخدمة ، يقول يوشيدا أنهم مابيطلبون من المطورين يضيفون بألعابهم أي حاجة عشان تكون متوافقة مع الخدمة.
إذا كنت من الأشخاص الي بيخلون أخوياهم يلعبون لعبة بالخدمة على جهازك ، ما بتقدر تسوي أي حاجة بجهازك، بينما خويك بيكون عنده القدرة أنه يدخل لأي حاجة على جهازك.
الخدمة بتجي بوقت لاحق من السنة بالتحديث 2.0
وش رأيك بالخدمة ؟ هل تشوفها مفيدة ولا لا ؟ عطنا رأيك بالتعليقات
احمد خالد
Saudi Gamer
