كتبنا خبر عن التأجيل، ولاحظنا ان الخبر أثار النقاش بين اللاعبين. شي طبيعي على لعبة مشهورة مثل أنتشارتد.
خلونا نذكر بعض المشاكل اللي مر فيها مطوّر اللعبة. في عام 2014، ترك أكثر من موظّف كبير في الاستديو منصبه في ظروف غير معلن عنها، مثل المخرج الفنّي واللي اشتغل على لعبة The Last of Us، والمصمم الرئيسي لشخصيات ذا لاست أوف أس، والأهم من هذا كله، الكاتبة المعروفة Amy Hennig (مخترعة سلسلة Uncharted) طلعت من الاستديو بعد “استبعادها” من انتشارتد 4 تحت ظروف… غير معلن عنها!
كل هالأحداث صارت خلال السنة اللي راحت، بعدها بفترة أعلن Bruce Straley و Neil Druckmann (مخترعي لعبة The Last of Us) انهم استلموا زمام الأمور في تطوير أنتشارتد 4، ومن بعدها مشت الأمور بشكل طبيعي وانتهت المشاكل.
لو نحسب وقت تطوير اللعبة، بنلاحظ انها لو نزلت على نهاية 2015 (موعدها الأساسي) بتكون نزلت ومالها الا سنة ونص تقريباً تحت التطوير، وحسب ما تعلمنا من أغلب الألعاب تحتاج سنتين على الأقل كفترة تطوير، باستثناء ألعاب مثل أساسينز كريد وكول أوف دوتي.
سلسلة أنشتارتد ينطبق عليها هالكلام بالتمام، الجزء الأول صدر عام 2007، والثاني 2009، والثالث 2011.
نذكر هذا الكلام عشان القارئ يكون مُلم بالأحداث كلها قبل يشاركنا رأيه، واللي سوينا فيه استفتاء عشان نعرف آراءكم!
واحد من مطوّري اللعبة ذكر قبل فترة انه يبغى أنتشارتد 4 تكون “التجربة المثالية للسلسلة“، وذكر لنا معلومات تحمسّنا للعبة أكثر وأكثر.
عموماً، شاركنا صوتك ورأيك في الاعلان المفاجئ واللي أثار النقاش بين اللاعبين 🙂
