وش أفضل عرض بداية شفته في لعبة؟

كل بداية لعبة تحاول تكون رهيبه وتجذب اهتمام اللاعب، على الأقل في الألعاب الممتازة اللي لعبتها. بداية اللعبة تعتبر مهمة جداً بالنسبة لي، لانها بتحدد مدى اهتمامي وتعلقي في باقي اللعبة.

فيه ألعاب تبدأ بشكل بطيء، ولكنها تبدأ تثير اهتمام اللاعب بعد فترة معينة من اللعب، أو ممكن تتأخر في اثارة اللاعب الى نهاية اللعبة. قد سمعت بواحد يقول “ياخي لعبتها ساعة او ساعتين بعدها طفشت منها وطفيتها ولا عاد رجعت لها”؟ هذي بسبب ان بداية اللعبة ما كانت تثير اهتمام اللاعب، وهذي مشكلة نشوفها في كثير من الألعاب.

عموماً، الموضوع ماهو طويل ولا يحتاج الكثير من النقاش والتوضيح. ألعاب كثيرة جداً أثارت اهتمامي من البداية، مثل بداية سايلنت هيل (Silent Hill)، وفاينال فانتسي 8 (Final Fantasy 8)، وأنيموشا 3 (Onimusha 3) وغيرها الكثير. لكن ما فيه عرض بداية أعجبني وأثار اهتمامي مثل… أخليكم مع العرض 🙂

أذكر لمن شريت Metal Gear Solid HD Collection قبل سنتين كنت لا زلت أندهش من العرض، ولو اني شفته فوق المية مرة على أيامه.

وش أفضل عرض شفته في لعبة؟ ونقصد فيها عرض أثار اهتمامك، مافيه معيار معيّن في السؤال، فقط العرض اللي تحس انه بعد ما انتهى قلت في نفسك “هذا أرهب وأفضل عرض شفته”.