وش رأيك في يوم اللاعبين 2014؟

انتهى يوم اللاعبين 2014، حدث ألعاب الفيديو الأكبر في السعودية. انتهى بعد ثلاث أيام وأعطتنا فرصة نجرّب ألعاب جديدة ما نزلت للحين، والأرهب من هذا كله ان اللاعبين اجتمعوا أخيرًا في مكان واحد.

تكلمنا قبل يومين عن انطباعاتنا الأولية للمعرض، وحصلنا على عدد لا بأس فيه من الانطباعات. الآن بعد ما انتهى المعرض بشكل كامل، بامكاننا نحكم على يوم اللاعبين بشكل أفضل.

قبل لا ندخل في النقاش بشكل عميق، حبينا نشكر كل من جانا وسلّم علينا في البوث حقنا. انبسطنا كثير بحضور كل شخص فيكم.

نرجع لمحور النقاش، وهو رأيك عن معرض يوم اللاعبين 2014. نبي نعرف أربع أشياء رئيسية:

• وش اللي أعجبك في المعرض
• وش اللي ما أعجبك في المعرض
• وش الأشياء اللي تتمنى تشوفها في المعرض السنة الجاية (بشكل عام وليس فقط الألعاب).
• رأيك عن المعرض بشكل عام.

هذي مجرد أربع أشياء، بامكانك طبعاً تضيف اللي تبغى. شاركنا رأيك وبنكون معك في التعليقات! 🙂