مشهور الدبيان
عدد كبير من الناس يكتب تعليقات رهيبة على المواضيع اللي ننشرها في الموقع، ومنها تعليقات تتميّز بشطحاتها او فايدتها ودنا ان الكل يطّلع عليها، وبالتالي حبّينا نختار لك أسبوعياً أبرز 5 تعليقات (كحد أقصى) من التعليقات الكثيرة الرهيبة، لعلها تعجبك مثل ما أعجبتنا. وفي حال الفكرة أعجبت المتابعين وصار التفاعل ممتاز معها، فراح نستمر في عرض أبرز التعليقات بشكل أسبوعي ان شاءالله.
هالاسبوع اخترنا أبرز 4 تعليقات من تعليقاتكم الرهيبة:
بندر التميمي يشوف ان شركة Ubisoft لازم تتعلم من نجاح الجزء الرابع من أساسنز كريد:
ياخي بعد هالجزء الناجح أحس ان اللي لازم تسويه يوبيسوفت مونتيريال انه تخلي كل جزء يختلف عن الثاني اختلاف كبير مثل مع هالجزء ويكون كل جزء له عالم مختلف بشكل جذري عن البقية, وتكون في ميزات خاصة ومهمة لكل جزء(مثل السفن في AC4 ) حتى أسلحة خاصة مثل الكروسبو مع إزيو والقوس مع كونور والسيفين مع إدوارد وحتى الشخصية نفسها لازم تكون غير , صحيح ان كونور ما يقارن بإيزيو أو الطائر أو إدوارد لكن أحس أنه لازم يكون فيه واحد(ثور) في الشله يعني لو تلاحظ
-الطائر- غامض ومتعجرف
-إيزيو- خفيف ظل وحكيم شوي
-كونور- ثور وما يتعامل إلا بالقوة
-إدوارد- همه القروشوأعتقد أنه لازم كل شخصية تكون مختلفة عن الثانية
واللي يجمعهم أنهم اساسنز
يعني باختصار ان كل جزء يختلف عن الثاني
محمد مختار يشوف ان مطوّرين الألعاب يتفلسفون ويزيدون التكاليف على انفسهم:
انا اشوف انو في اشياء مالها داعي في الالعاب الجديدة…صارت نوعا ما مثل افلام هوليود….في اغلبها مركزين عالجرافيكس والسناريو اكثر من عمر اللعبة والعناصر اللي تشوقك لها اكثر , اعتقد انو المطورين هم السبب لأنهم بيجيبو ممثلين مشهورين لاداء الاصوات ومدري ايش ويزيدو التكاليف على نفسهم وفي النهاية ما بيكون مهم لنا….افضل مثال للتوازن هو هيدو كوجيما…..اول شي جاب ديفيد هايتر (شخصية غير مشهورة قبل السلسلة) وابدع في الصوت وكل مؤديين الاصوات في اللعبة ابدعو كمان…..ومع الجزء الجديد جراوند زيرو تحس انهم اشتغلو على لعبة كاملة مكملة…وبجد اقول هذي لعبة تستاهل الفلوس اللي تحطها فيها مقابل تعبهم…في النهاية نبغى لعبة نستمتع فيها مو لعبة نشتريها عشان سمتعها وبس
بينما محمد الحربي كان ردّه على غلاء الألعاب ودعم المطوّرين تزبيدي طالع من قلب، من القهر:
ترا غالبية لي حمل الالعاب مقرصنه ماعنده ماده في يعني من مستحيل انه يشتري الالعاب لي يبغا.
انا من سنتين ماشتريت غير لعبة GTA V بسبب ان ماعندي فلوس و اهلي يشوفون انها خرابيط و مضيعة وقت يعني اطلع ابيع خضار عشان سواد عيون ابن الكفار؟ بحريقه جعله يفلس اليوم قبل بكره اهم شئ اني استانس
وأخيرا DeJaVo اللي يحلّل وضع ألعاب الـMMO، ويحلّل شعبية World of Warcraft اللي باعتقاده ان سببها هو نزلوها في الوقت المناسب فقط:
بخصوص العاب الـMMO على ماظن خلاص راحت ايامها !!! أول لعبة لي من هالنوع كانت في 2003 لول
العاب اكبر من العاب المتصفح من ناحية المحتوى والميزانية اللي تقدر بالملايين تعاني من هجرة اللاعبين !!! Lord of the rings , Aion , Rift هالالعاب اول مانزلت كانت بإشتراك شهري!!! قلة اللاعبين اجبر المطورين يحولونها مجانية
نصيب الأسد للنوعية هذي من الألعاب كان لـWorld of warcraft مش لانها افضل من الألعاب اللي ذكرتها فوق لكنها وبكل بساطة نزلت في وقت حرج تقريباّ 2004 -2005 وقتها كان الكمبيوتر يفتقر لألعاب الاونلاين بس من بعد ماتتطور
برنامج ستيم وصار يشمل العاب اكثر + صدور اجهزة الكونسول الجيل السابق وإنتشار العاب الأونلاين بشكل أكبر بدأت WoW بخسارة لاعبينها.بإختصار…حالياّ اللي يلعب هالنوعية من الالعاب هم الفانز محبين النوع هذا فقط لاغير مثل ماقلت…قبل كانت العاب الاونلاين قليلة ف تلقى اللاعبين بمختلف الاعمار والأذواق دخلو عالم الـMMO لكن بعد ماتوسع برنامج ستيم وصدور اجهزة الكونسول الجيل السابق تنوعت العاب الاونلاين وكل فئة اتجهت للالعاب اللي تعشقها.
هل يهمّك تعرف أبرز التعليقات في الموقع على نهاية كل أسبوع؟ شاركنا برأيك في التعليقات 🙂
صالح بازرعة
محمد الشريف