فرح عبدالله
مدير استوديوهات مايكروسوفت للالعاب كين لوب (Ken Lobb) يناقش طبيعة المطورين اللي تملكهم مايكروسوفت في مقابلة جديدة، يتكلم عن المجموعة الي تتضمن المطور 343 ستديو، استوديوهات بلاك تاسك (Black Tusk)، واستوديوهات تيرن 10 (Turn10)، وغيرها كثير تقدم مساعدة قوية. المقابلة بعد ما أكد لنا فيل سبنسر (Phil Spencer) ان مايكروسوفت راح تعلن عن مشروع جديد في مؤتمر E3 2014.
سألوا لوب هل المطورين في استوديوهات مايكروسوفت للألعاب عندهم نفس تنوع المشاريع (الألعاب) مثل اللي عند سوني؟
رد لوب “اكيد. انا انشر من فترة طويلة، وما اقول اني اعرف الكل، لكن اعرف ناس كثير في هذي الصناعة الي اقدر اجيبهم و اوظفهم عشان يشتغلون داخليا او في النشر، وممكن يؤدي الى اشياء مثل تجربة استوديو دبل هيلكس (Double Helix). وعشان اكون صادق احس بشعور سيء وجيد في نفس الوقت.”
“اعتقد اننا اضفنا قيمة لاستوديو دبل هيلكس باننا اشتغلنا معاهم، وساعدناهم في تحقيق حلمهم ونقل لعبتهم. لكن مره ثانية كل الفضل لهم رغم ان احنا الي ساعدناهم عشان يصيرون افضل. ويمكن تقول انه شي سخيف لكن احب لما نوقع مع شركه خارجية وبعد عملنا معها ترتفع قيمتها في هذي الصناعة. هذا الهدف دايما عندي، كيف اننا نساعد المطورين الخارجيين في انهم يتحسنون في الشي الي يسوونه. واعتقد اننا نساعدهم بشكل جيد. وهذا يعني اني دايما اخذ الي ابغى.”
” عشان اجاوب سؤالك بطريقة مختلفة، انا ابغى اجيب مطورين يسوون لعبة يعتقدون انها مثالية، بعدين نقرر اذا كان هذا الشي مهم بالنسبة لنا من وجهة نظر عملية و تجارية. احتاج لعبة قتال، لازم اسوي وحده.”
لما انضغط لوب بالاعتقاد ان استوديو تيرن 10 (Turn 10) سوا لعبة فورزا موتورسبورت (Forza Motorsport) عشان ينافس سوني ولعبة قران توريزمو (Gran Turismo) من استوديو بولي فوني ديجيتال (Polyphony Digital)، قال “لا.. تقدر تشوف من وجهة نظر عملية وتقول ان استوديو تيرن 10 كان مصمم للمنافسة، لكن في الحقيقة كان عندنا مجموعة متعصبين سيارات كانو يبغون يسوون لعبة سباق.”
“اساس هذا الفريق قبل سنتين من نزول فورزا 1، ماقلنا ” هيا ننافس بولي فوني ونسوي فريق”، فورزا جات من الشغف.”
راح يكون عندنا معلومات اكثر عن خطط مايكروسوفت لمؤتمر E3 2014 اول ماتنزل.
وش رأيك بتنوّع الألعاب اللي عند مايكروسوفت؟ وهل تشوف ان ألعابهم متنوّعة مثل سوني؟
احمد خالد
Saudi Gamer
