المخرج الابداعي للعبة واتش دوقز (Watch Dogs) جوناثان مورين (Jonathan Morin) صرح في حسابه على توتير بمعلومات مهمة عن لعبتهم القادمة، اول شي اكد جوناثان انه اللعبة اللي انعرضت في معرض PAX كانت نسخة البلايستيشن 4 فقط (Playstation 4).
اضاف ايضا انه الديمو اللي كان في المعرض قريب جدا من النسخة النهائية للعبة. قال كمان انه التصويب راح يكون بالطريقة المعتادة اللي هو L2 يقنص و R2 يطلق.
صرح كمان انه نسختي البلايستيشن 4 والاكس بوكس ون (Xbox one) راح يكون فيها انعكاس لتفاعلات البيئة في اللعب.
من ناحية ثانية، خلال جميع الاعلانات عن اللعبة، ماشاهدنا اي عرض لنسخة الاكس بوكس ون، لذلك جاوب جوناثان عن بعض التساؤلات الموجودة في نسخة الاكس بوكس ون.
اول شي جاوب عليه هو وضوح اللعبة على الاكس ون، ماقال رقم محدد لكنه قال انه جربها وكان الوضوح ممتاز و كان عدد الاطارات في الثانية (frame rate) رايق و موزون و الاضاءات كانت رائعة.
قال جوناثان: ” اقدر اقول انه انا جربت اللعبة وحسيت انه اللعبة على الطريق الصحيح، الفريم ريت كان رايق و ممتاز بشكل ثابت و الاضاءات كانت رائعة”.
جاوب على سؤال ثاني وهو اذا كانت خاصية (DOF) اللي هي ديبث اوف فيلد (Depth of Field) واللي معناها العمق الميدان او ساحة اللعب راح تأثر على اللعب نفسه او لا، رد جواناثان: “اذا الخاصية معناها عمق الميدان، فهذا معناها انه اكيد راح تأثر على اللعب”.
جاوب كمان على سؤال يطلب منه ذكر بعض المهارات اللي راح تكون في اللعبة و هل راح تكون بس في منطقة مدينة شيكاغو او لا، رد عليهم: “في مهارات كثيرة مااقدر اعدهم ولا اقدر احفظهم حتى، بالنسبة لسؤال المنطقة، لسه ما اقدر اقولكم شي”.
اخر شي أكد جوناثان انه ماراح يكون في امكانية تعديل السيارات، وانه تطوير اللعبة كانت مركزة على تنوع القيادة و مميزات ثانية. قال جوناثان: “مافي تعديل سيارات، لكننا ركزنا على احساس القيادة و خاصية السيارة حسب الموقف او الطلب عشان نضيف عمق اكبر للقيادة”.
اللعبة موعد إطلاقها مثل مانعرف 27 مايو (الشهر القادم) على كل الاجهزة ما عدا الوي يو (Wii u) اللي حسب موقع يو بلاي (Uplay) راح تنزل في خريف 2014.
مميزات جميلة للعبة المنتظرة برأيي، واضح انه اللعبة فيها عمق كبير جدا و ان شاء الله يكون العمق على قد الكلام اللي قريناه و الاشياء اللي شفناها. اللعبة شخصيا منتظرها بفارغ الصبر.
اش رايك في المميزات عزيزي القارئ تشوف انها عادية ولا رهيبة؟ وهل متحمس للعبة ولا لسه باقي ما تحمست؟ شاركنا
