محمد الشريف
يبدو ان يوبيسوفت واثقة جداً من لعبتها الجديدة ووتش دوجز. صرّحت الشركة قبل شوي انها واثقة من نجاح اللعبة وانها بتكون أكثر لعبة انباعت في الوقت اللي بتنزل فيه.
في مقابلة مع واين جرينويل (Wayne Greenwell) من يوبيسوفت، يقول الرجل اللطيف: “عدد الطلبات المسبقة لووتش دوجز واعدة جداً وتورّيك قد ايش الناس متحمسة للعبة”.
“يوبيسوفت حالياً تبني اسم لووتش دوجز وتسوي لها دعايات بحيث تقدر اللعبة توقّف مع باقي الألعاب الضخمة والمعروفة، ونتوقع ان اللعبة بتكون من أفضل الألعاب مبيعاً في 2014”.
أما من ناحية التسويق فيوبيسوفت حالياً تسوّق للعبة بكل الوسائل اللي نعرفها: التلفزيون والدعايات على الانترنت والتطبيقات، بالاضافة الى بدء التنسيق مع الناس “المعروفين” في يوتيوب وتويتش عشان يلعبون ووتش دوجز ويسوون دعاية للعبتهم.
بتنزل اللعبة في 27 مايو على بلاي ستيشن 3 و4، واكس بوكس 360 وون، والبي سي.
ووتش دوجز من أكثر الألعاب اللي ينتظرونها اللاعبين في 2014، وتأجيلها المفروض انه يساعد في تحسينها بحيث تطلع لنا بصورة أفضل. اللعبة تحتوي على أفكار رهيبه خصوصاً التهكير والاختراق والسوالف الرهيبه هذي. متحمّس أشوف كيف بيكون مستوى اللعبة!
وش رأيك بكلام يوبيسوفت وطموحها عن ووتش دوجز؟
احمد خالد
