تحديث لعبة Watch Dogs الجديد يخليك تخترق لعبة أصدقائك

يقولك المثل الغربي: “أن تأتي متأخرًا خير من أن لا تأتي”. أطلقت اليوم يوبيسوفت تحديث كان ينتظره الكثير من اللاعبين، وهي امكانية اختراق لعبة أخوياك اللي يلعبون ووتش دوجز.

من نزلت اللعبة واللاعبين كانوا يطالبون بهذا الشي، يبغون يخترقون ألعاب أخوياهم. اللعبة من زمان كانت فقط تعطيك الامكانية انك تخترق ناس عشوائيين، ما يعطونك امكانية اختراق أخوياك. الآن أخيرًا صار بامكانك تسوي هذا الشي.

التحديث برضه فيه أشياء ثانية، مثل ان اللعبة صارت تعرف اللاعبين اللي “يفصلون” نفسهم من الأونلاين في حال شافوا نفسهم انهم بينهزمون، وصارت اللعبة الحين تعرف من اللي يسوي هالحركات، وبتصير اللعبة تجمعهم مع بعضهم اذا لعبوا أونلاين كنوع من العقاب. تقدر تقول انهم يجمعون الغشاشين مع بعضهم.

وش رأيك في التحديث، هل تشوفه متأخر ولا مناسب لك؟