تكلم اليوم Vlambeer (وهو استديو العاب مستقل احد اشهر العابه Ridiculous Fishing) عن المخاوف المتعلقة باللعبة ثنائية الابعاد لافتراوسرز ( LUFTRAUSERS) (اقرأها بصوت شوارزنيجر) انها تخلي اللاعب يتحكم بطيار نازي وطائرة نازية، قال رامي اسماعيل وهو احد الاشخاص اللي اسسوا الاستديو” من وجهة نظرنا حنا مانخلي اللاعب طيار نازي”.
“انت ماتلعب بأي قوة معادية لا النازيين ولا اليابانيين ولا حتى السوفييت، ولاأي قوة موجودة اصلاً، تجري احداث اللعبة بواقع بديل او خيالي يصير فيه صراع بين الاشخاص الجيدين وعدو غير معروف كنا نتجسس عليه”
مع ذلك اكد اسماعيل ان المخاوف اللي ظهرت هذا الاسبوع فيها بعض الصحة ” حقيقة ان مافيه تفسيرات خاطئة للعبة معينه لكن لما تخترع شيء تترك بعض التأثيرات المعينه خارج ماتصنعه”
“ويمكن اكثر من كذا، في وسط تفاعلي لازم نتقبل انه مافيه خطأ بقراءة هذي الآثار، لما شخص يقرأ بين السطور اشياء احنا ما كتبناها من الاساس علشان كذا هذي الفراغات يتم تعبئتها من اللاعب او أي شخص ثاني”
الشكل العام من الاسم إلى الشعار يخليك تحس ان القوة الألمانية من الحرب العالمية الثانية لهم علاقة بهذي اللعبة، قال اسماعيل” احداث اللعبة تصير بواقع بديل بعد 10 الى 15 سنة بعد الحرب العالمية الثانية”
جاء الإلهام للأحداث والاساس اللي بدأت منه اللعبة كان في فترة 80 سنة ” لما كانت المخابرات العسكرية تقدر تحدد اذا كانت القوات المعادية تشتغل على سلاح سري غير معروف” اللعبة تجري احداثها بمنتصف هذي الحقبة.
قال اسماعيل: “لازم نتقبل ان لعبتنا ممكن تخلي اللاعبين غير مرتاحين وحنا نعتذر عن هذا الشيء”
حتى انه تكلم هو وشريكه Jan Willem Nijman عن كونهم مواطنين من هولندا واللي تعرضت للغزو من النازيين عام 1940م ” حنا نعرف الاشياء الفظيعة اللي صارت ونبي نعتذر لأي شخص ذكرته اللعبة بالوحشية اللي صارت بالحرب”
لافتراوزرز اطلقت بـ18 مارس للينيكس (Linux ) والماك (Mac) والويندوز (Window) والبلايستيشن 3 (PS3 ) والبلايستيشن فيتا (PS vita).
بصراحة هذي الأتهامات مو شيء غريب بعالم الألعاب، ومن وجهة نظري اللعبة مالها علاقة بالنازيين ابداً.
انت أيش رأيك ؟ وهل توافقهم بهذي الأتهامات ؟ شاركنا رأيك بالتعليقات.
