أحمد قربان
شركة فالف (Valve) اعلنت سابقا عن جهاز واقع افتراضي خاص بها اسمه فايف (Vive) وهو بالتعاون مع شركة الجوالات اتش تي سي (HTC). الجهاز من يوم الاعلان ومانعرف اش مميزاته واش فيه اشياء من خصائص تميزه عن باقي منافسيه.
اليوم الشركة وضحت ان هدفها الرئيس تلغي مشاكل الغثيان اللي تجي للاعبين من تجربتهم لاجهزة الواقع الافتراضي. ومشكلة الغثيان هي احد اكبر مشاكل اجهزة الواقع الافتراضي اللي بيواجهها المطورين حاليا، كثير من الناس يقولون ان هذي المشكلة طبيعية في اجهزة الواقع الافتراضي و مصير اللاعب يتوعد عليها، لكن فالف هدفهم ان اللاعبين مايواجهوا هذي المشكلة من الاساس.
لالغاء مشكلة الغثيان فالف راح يطورون حساسات تستشعر مكان اللاعب وتسمح له انه يتحرك في المكان بجسمه حركة طبيعية بعكس الاجهزة المنافسة اللي تجبرك تجلس على الجهاز و تستخدم اجهزة تحكم تساعدك على الحركة في عالم افتراضي. فالف اتعاقدوا مع مطور خاص اسمه اولكيمي لابز (Owlchemy Labs) بحيث انه يساعد في تصميم الحساسات.
الكيس شوارتز (Alex Shwartz) المسؤول عن ستديو اولكيمي وضح ان هذا التعاون يكمل اهداف الاستديو و اهداف فالف لتطوير جهاز فايف.
قال اليكس: “جهاز الاوكلوس يقولك اجلس في مكان معين و العب اللعبة بضغطة زر، توجهنا هو اننا نلغي الغثيان و الالعاب المصممة بشكل تناسب جهاز فايف راح تكون نسبة الغثيان فيها 0%”
و لمنع الغثيان فالف راح يجبروك تشتري حساس التحكم بالحركة عند شراءك لجهاز فايف، وهذا عكس جهاز الاوكلوس اللي يخيرك في انك تشتري حساس التحكم بالحركة اذا تبغاه، واضح ان فالف يبغون يعطون تجربة مثالية لاجهزة الواقع الافتراضي ويبغوا يكون جهازهم متكامل قدر الامكان.
فالف راح يكون عندهم مؤتمر الاسبوع القادم في معرض E3 نشوف اش راح يعلنون فيه.
تصريح قوي من فالف و الاختبار الحقيقي الان هو انهم يكونون عند كلمتهم ويلغون مشكلة الغثيان بشكل نهائي من جهازهم.
احمد خالد
بارعة
