أحمد قربان
شركة فالف (Valve) اعلنت عن نيتها لتوزيع نسخ مجانية خاصة للمطورين المستقلين من جهازهم الخاص بالواقع الافتراضي المعروف باسم Vive و اللي طوروه فالف بالتعاون مع شركة HTC.
الهدف من هذي الفكرة ان فالف ودها ان المطورين المستقلين يشتغلوا على العاب خاصة لVive بعد ما يجربوا النسخة المجانية اللي راح تتوزع لهم في ربيع هذي السنة. بحيث انهم راح يقدروا يجربوها قبل الناس و راح يقدروا يشتغلوا على العاب بسيطة و ينشروها في موعد اطلاق الجهاز الرسمي و بالتالي يصبح للجهاز مكتبة العاب لابأس بها عند اطلاقه.
وضح احد المسؤولين في فالف انهم راح يوزعوا جهاز الVive للمطورين بشكل مجاني على الاقل في البداية فقط، و وضح ان معلومات التسجيل للحصول على نخسة المطورين راح يتم نشرها خلال الاسبوع القادم بحيث انهم راح يعلنوا عن موقع جديد للتسجيل وتقديم الطلب فيه.
حاليا مانعرف كيف فالف راح تختار المطورين لتعطيهم النسخة الخاصة لكن الى الان اكدت فالف انها راح تعطي نسخة المطورين لستديو بوسسا (Bossa Studios) مطورين لعبة محاكي الجراحين (Surgeon Simulator)، و ستديو اولكيمي لابز (Owlchemy Labs) مطورين لعبة Aaaaaa! For The Awesome و ستديو فايربروف (Fireproof Games) مطورين لعبة who made The Room.
شيء جميل انهم يوزوعها بشكل مجاني، اتمنى انهم يسمحوا للمطورين بنشر مقاطع للجهاز ومايمنعوهم من هذا الشيء لان لو قدروا الناس ينشروا مقاطع عن الجهاز راح نقدر نشوف اذا هو فعلا ممتاز ولا لا. اذا مهتم اكثر عن الجهاز وعن سعره كتبنا كلام المطور عن هذا الشيء.
اش رايكم بالخبر؟
احمد خالد
بارعة
