يزيد السويري
غيرت فالف سياستها فيما يخص ميزة إهداء الالعاب بين المستخدمين من دول مختلفة عشان تمنع بعض المستخدمين اللي يشترون ألعابهم برخيص في دولتهم ويهدونها لمستخدمين ثانيين في دول ثانية. حاليا هذا القرار ما أثر على سكان أمريكا الشمالية وأوروبا وبعض المناطق اللي تكون أسعار الالعاب فيها أغلى من المناطق الثانية. أحد الدول المتضررة بهذا القرار هي روسيا اللي تنباع فيها الألعاب بسعر أرخص مقارنة بالدول الثانية وبالتالي سكان روسيا ما يقدرون يهدون أحد ساكن برا روسيا. بعض الناس يشتري ألعابه برخيص من دولة معينة بعدين يبيعها بسعر أغلى بفايدة بسيطة.
جا هالقرار بعد الأزمة اللي صارت في روسيا وإنخفاض سعر الروبل الروسي مقارنة بالدولار الأمريكي بعد العقوبات اللي فرضتها الحكومة الأمريكية على روسيا. طبعا فالف ما صرحت بشكل رسمي بأن تغير قيمة الروبل الروسي هو سبب قرارهم هذا.
بعض الدول اللي تأكد فيها تفعيل هذا القرار هي بعض الدول من آسيا وجنوب أمريكا وشرق أوروبا.
قرار غريب من فالف أخاف أنها بعدين تقفل ميزة الإهداء مرة وحدة. وش رأيكم عزائي بقرار الشركة المفاجئ وهل ضايقكم القرار أو لا؟ شاركونا أرائكم في التعليقات.
احمد خالد
بارعة
