أحمد قربان
ستديو ايبيك جيمز (Epic Games) مطور محرك انريل انجين 4 (Unreal Engine 4) اعلنوا ان بامكان اي شخص مهتم بتطوير الالعاب استخدام المحرك مجانا. نزل تيم سويني (tim Sweeney) مؤسس ستديو ايبيك جيمز مدونة في موقعه تكلم فيها عن هذا الخبر بعنوان: “اذا تحب شيء، اطلق سراحه”
النسخة المجانية من المحرك هي نسخة كاملة و ليست مجرد نسخة تجريبية او ناقصة.
قال تيم: “هذي هي التقنية الكاملة اللي ستديو ايبيك راح يستخدمها لتطوير العابهم الخاصة، مجال محرك انريل انجين 4 مفتوح من المطورين المستقلين الى الالعاب الكبيرة والقوية، المحرك يدعم اغلب الاجهزة الموجودة، ويحتوي على اكواد برنامج الC++ بنسبة 100%. هدف ستديو ايبيك انهم يعطوا المطورين كل شيء لتصميم اي شيء يبغوه وللتحكم بجدولهم بالطريقة اللي يبغوها ويصنعوا قدرهم بنفسهم. اي شيء مطلوب لبناء اي لعبة موجود بمحرك انريل انجين 4. تقدر تطور اللعبة وتنشرها بالسوق او تكتفي بمشاركتها مع الاخرين”
كمل تيم وقال: “خلال ال25 سنة اللي تواجد فيها ستديو ايبيك جيمز كشركة مستقلة بذاتها، ماقد مرت فرصة اعظم من هذي الفرصة للمطورين، مهما كانت طموحات تطويرك، ستديو ايبيك واقف معك في هذي الطموحات، من ناحية تقديم التقنية اللي تتمناها، و راح نعتبرك كصديق مهتم بتطوير الالعاب يعتمد على محرك انريل انجين 4 ويساعدنا في تشغيل العابنا”
مؤسس ستديو ايبيك جيمز نزل مقطع في اليوتيوب يعلن فيه عن الخبر. جبنا لكم المقطع:
اذا تبغا تعرف الالعاب اللي تم تطويرها من محرك انريل كتبنا خبر ان في لعبة حصرية لسوني بيتم تطويرها باستخدام محرك انريل ووضحوا المطورين ان اللعبة بتطير عقولنا، ايضا نزلت الشركة مقطع فيه اهم الالعاب اللي شغالة بهذا المحرك:
خبر رهيب جدا وبفكر شخصيا اجرب اطور اي شيء بهذا المحرك. كتبنا خبر قبل فترة عن ان ستديو ايبيك يبغا ينشر لعبتك ويشاركك ارباحك بنسبة بسيطة، في نظري الخبرين يكملوا بعض و صراحة خطوة جريئة جدا من ستديو ايبيك جيمز.
اش رايكم بالخبر وهل راح تجربوا المحرك؟
احمد خالد
بارعة
