أخبار

مطور Uncharted 4 يبغى اللعبة تكون “التجربة المثالية” في السلسلة كلها

Uncharted-4-Cover

في مقابلة للمخرج المساعد للعبة انشارتد الأخ Bruce Straley مع موقع gameinformer صرح بان الفريق يطمح بأن يكون الجزء الرابع التجربة الأمثل لألعاب أنشارتد وقال:

“تطوير لعبة Uncharted 4 صعب وغالبا تطوير اي لعبة يعتبر شيء صعب مرة وما هو شيء سهل ابدا. أحيانا تعصب وتقول وين المخططات والتصاميم؟ مين الحيوان اللي معه التصاميم ذي عشان يسويها؟.

“دائم نسأل أنفسنا كيف نسوي أفضل من كذا. حافزنا هو.. كيف نسوي تجربة تنشب في عقل اللاعب. واللي نحاول نسويه هو تصميم شخصيات رهيبة مع بيئة تناسب هذه الشخصيات. كل هالأشياء لازم تكون منطقية ومتوافقة مع حركتك وتفاعلك مع يد التحكم. ودي أحس أني داخل العالم.

قبل فترة بسيطة ترجمنا أجزاء كثيرة من مقابلة المطوّر مع جيم انفورمر، ولا فيه مانع نعيد بعض اللي قالوه.

أضاف بروس أن الاستوديو راح يستفيد من اللي تعلمه في لعبة The Last of Us في ابتكار أساليب جديدة للجزء الرابع وقال:

“ما أبي ألعب نفس اللعبة اللي كنت ألعبها زمان. عشان كذا حنا جالسين نتطور. وقتها طورنا The Last of Us وأعطتنا مفاهيم جديدة لطريقة تطوير الأشياء. كل مرة نقول ودنا نلعبة لعبة تكون هي التجربة الأمثل لألعاب أنشارتد وباعتقادنا أن الجزء الرابع عنده الإمكانية في تحقيق هذه التجربة”.

أخيرا أضاف مخرج اللعبة الثاني Neil Druckmann بأن هذه هي اللعبة اللي يبون يسونها وقال:

“هذه هي لعبة أنشارتد اللي نحس أننا نبي نسويها ونطبق فيها كل اللي تعلمناه من سلسلة أنشارتد ولعبة ذا لاست أوف أص”.

لعبة Uncharted 4 راح تنزل نهاية السنة حصريا على البليستيشن 4.

وش رأيك في التصريح؟

الوسوم
اظهر المزيد

يزيد السويري

مترجم تخصص لغة إنجليزية أحب ألعاب ننتندو زي "super smash bros" و "Mario & Luigi" و"ماريو 64" أموت في شي إسمه Dynasty Warriors و نوع الألعاب المفضل عندي هو"hack and slash".
إغلاق