أخبار

مطوّرين لعبة Uncharted 4 يهدفون الى عرض اللعبة بوضوح 1080p و60 اطار في الثانية

Uncharted-4-Cover

في مقابلة مع مدير مجتمع Naughty Dog، صرّح آرن مير ان مطوّرين اللعبة يهدفون الى عرض لعبتهم الجاية أنتشارتد 4 بوضوح 1080p و60 اطار في الثانية.

يقول آرن: “مع أنتشارتد 4، هل نقدر نعرض اللعبة بوضوح 1080p وستين اطار في الثانية؟ دائماً نبغى نسوي هذا الشي، لكن نوعية المؤثرات اللي نبغى نحطها في اللعبة فوضوح 720p وثلاثين اطار في الثانية كانت شي جيّد. نبغى نوصل لشي أعلى من جيّد، لذلك حنا بنشد حيلنا عشان نوصل لمستوى أعلى، وبرضو تحدي أكبر”.

تكلم آرن عن ذا لاست أوف أس على بلاي ستيشن 4 واللي أعطتهم فرصة انهم يتعاملون مع الجهاز الجديد. يقول: “حنا قدرنا نوصل لهذي الدقة مع ذا لاست أوف أس، فليش ما نسوي نفس الشي مع أنتشارتد 4؟”

Uncharted 4: A Thief’s End بتنزل حصرياً على بلاي ستيشن 4 في عام 2015. لسا سوني ما حددت تاريخ محدد للعبة المنتظرة.

وش اللي تبغى تشوفه في الجزء الجاي من سلسلة أنتشارتد؟

الوسوم
اظهر المزيد

محمد الشريف

كاتب ومدير تحرير موقع سعودي جيمر. أعشق ألعاب الفيديو من يومي صغير (ايه كلنا كذا)، أحب ألعاب التخفّي والرعب، وأعشق سلسلة Metal Gear ولعبة Silent Hill وICO.
إغلاق