يزيد السويري
مخرج لعبة Uncharted 3 جستن ريتشموند طلع من استوديو نوتي دوق ويروح لريوت جيمز (Riot Games) مطوري لعبة ليج أوف ليجيندز (League of Legends).
و في محادثة له مع موقع IGN يقول ريشموند بالرغم من طلوعه:” إنه يحب الشركة و الناس الشغالين في نوتي دوق”.
” بصراحة أنا بنفسي إتخذت هالقرار و أنا أحب الناس اللي في نوتي دوق و أنا متأكد إنهم بيستمرون في صنع ألعاب مبتكرة و ممتازة”.
“و بعد مشاورات و بحث مكثف إنضميت لRiot Games لأن بصراحة في اشياء رهيبة تصير عندهم و وددي أكون جزء منها”.
و تعليقا على هذا الموضوع أكدت سوني أمريكا عن طريق ممثل لها قال لموقع Eurogamer أن تطوير لعبة Uncharted 4 للبلاي ستيشن 4 ما راح يتأثر باللي صار و أن ريشموند طلع فقط عشان يدور على فرص أخرى في حياته.
بصراحة كثرة التسريحات اللي صايرة عند سوني بدت تقلقني و أخاف فعلا يأثر هذا على ألعابها الجاية ، وش رأيكم أنتم هل تشاركوني الخوف أو تشوفون بأن هذا أمر طبيعي ممكن يصير لأي شركة؟
احمد خالد
