لعبة ألتيمايز (Ultimeyes) هي لعبة مبنية على اساس علمي؛ تساعدك في تحسين نظرك عن طريق تمارين وتحديات مختلفة للعين. الكاتب في المصدر يقول ان بعد ما جرب اللعبة لاحظ تحسن في نظره!
اللعبة تم تصميمها من شركه كاروت نيوروتكنولوجي (Carrot Neurotechnology). الشركة هذي فيها عدد من مطورين الالعاب المخضرمين؛ المدير التنفيذي للشركة كان المنتج المنفذ في شركة اكتيشفشن (Activsion)، ومعاه واحد من اللي كانوا يشتغلون في Neversoft. البرنامج، او بالأصح اللعبة، موجودة على الجوالات الذكية والبي سي (PC) و الماك (MAC).
فكرة اللعبة انها تطلب من اللاعب مراقبة نقاط رمادية تظهر في الشاشة، والمطلوب هو الضغط عليها عند ملاحظتها.
في امريكا سووا دراسة على 19 لاعب بيسبول في جامعة كالفورنيا، بحيث ان كل لاعب بيسبول يلعب اللعبة في 30 دُفعة لمدة 25 دقيقة. بعد تجربة اللعبة قالوا ان اللاعبين صاروا يشوفوا مسافات ابعد بنسبة 31% كمعدّل. بعضهم رؤيتهم للملعب صارت ابعد، صارو يقدروا يشوفوا لمسافة 20 قدم في حين ان باقي الناس الطبيعيين يشوفوا لمسافة 7.5 قدم كحد اقصى!
كاتب المصدر نفسه لاحظ انه تطور وصار يشوف التفاصيل بشكل افضل بعد تجربة اللعبة. اكد ان التطور راح يظهر بشكل كامل بعد ثمانية اسابيع من اللعب. وضح كمان ان النتائج راح تفرق من شخص لشخص، وهذا شي طبيعي.
اللعبة سعرها 22 ريال سعودي في متجر الاندرويد والـiOS.
صراحة ودي اجربها واتحمست لها. فركتها جديدة وسهلة وتحسن النظر في نفس الوقت. اعتقد مافي شي رهيب اكثر من كدة!
ايش رايك عزيزي القارئ عن اللعبة؟ هل راح تشتريها و تجربها ولا تقول ان نظرك 10 على 10؟ شاركنا.
