مع زيادة انتشار جهازي الاكس بوكس ون و البلايستيشن 4 ستديو يوبي سوفت (Ubisoft) قرر انه يوقف اصدار العابهم القوية على اجهزة البلايستيشن 3 و الاكس بوكس 360.
قال يفيز قيليموت (Yves Guilemot) المدير التنفيذي لاستديو يوبي سوفت: “احنا راح نستمر في اصدار لعبة Just Dance على اجهزة الجيل القديم، لكن ماراح نصدر منتجاتنا الثانية مثل Assassin’s Creed، Rainbow Six، The Division و بعض الالعاب الاخرى الغير معلن”
جزء اساسنز كريد الجديد تم الاعلان عن تفاصيله أمس وكتبنا عنها في خبر مستقل اذا مهتم تعرفها، لعبة Rainbow six: Siege و اساسنز كريد الجديدة راح تنزل في الربع الاخير من العام الحالي. اما لعبة ذا ديفيجن راح تنزل في الربع الاول من العام القادم 2016.
كل الالعاب القوية راح تنزل ايضا على جهاز البي سي، اما جهاز الويي يو (Wii U) مااتكلموا عنه يوبي سوفت وماقالوا اذا راح تنزل الالعاب عليه او لا.
سبب الغاء اصدار العابهم على اجهزة الجيل القديم هي الاحصائيات اللي سووها على مبيعاتهم، وضحت الاحصائية ان خلال السنة المالية الماضية واللي انتهت قبل شهرين تقريبا ان مبيعاتهم على البلايستيشن 4 والاكس بوكس ون كانت نسبتها 52% وعلى اجهزة الجيل القديم مبيعاتهم لنفس السنة كانت 26% يعني تقريبا نصف مبيعات اجهزة الجيل الجديد.
اشوف ان من حقهم خصوصا ان العابهم القادمة كلها منتظرة ومانبغا جودتها تنزل بسبب اجهزة الجيل القديم.
