Jalal Majhali
خططت يوبي سوفت لإطلاق تكملة للعبة Far Cry 3 والي كانت بتوسع القصة أكثر وبتبقى بنفس منطقة الجزء الثالث وبحسب كلامهم كانت الفكرة موجودة لمدة 4 أيام قبل إلغائها.
بحسب مقالة مطور على مدونة Ubisoft وضحت أن فريق العمل رفض فكرة أنه يشتغل على تكملة للجزء الثالث . ” كان عندنا الخيار أننا نسوي التكمله هذي ونجلس بنفس المكان وبنفس الشخصيات” هذا كان كلام المنتج التنفيذي Dan Hay الي وضحه بالمقالة ، “تكلمنا شوية عن الفكرة وعن الطرق الي بتخلي Vaas يرجع للقصة” ، ” ولكن بسرعة أكتشفنا أننا ما بنوصل للهدف الي نبغاه عشان كذا قفلنا السالفة والي أستمرت فعليا 4 أيام” .
أيضا واحدة من النقاط الي أنذكرت بجلسة العصف الذهني الي سووها الفريق هي فكرة أنك تركب فيل وتقاتل وبعد لحظات قدروا يجمعون أفكار للعبة Far Cry 4.
“تعجبنا حقيقة أن واحد يجيب فكرة تخلي الناس يشوفونها رهيبة زيادة عن اللزوم ، وبنفس اللحظة يجي شخص ويقول ليه ما نسويها بالطريقه هذي؟ يمكن يكون لها معنى بالنهاية ” ، وكذا زي ما شفتم أضفنا ميزة الطيران والأعداء الجدد واللعب التعاوني والي عبر عنه الفريق أنه يبغى يضيف كل هذي الحاجات بلعبة وحدة من زمان.
بتنزل لعبة Far Cry 4 على أجهزة البلايستيشن والإكس بوكس المنزلية والبي سي بشهر نوفمبر.
هل أنت متحمس للعبتهم الجديدة ؟ ووش تتوقع الشيء الي بيخلي الجزء الرابع يتميز عن الجزء الثالث بنظرك؟
احمد خالد
