في شركات كثيرة لها تأثير في عالم صناعة ألعاب الفيديو، منهم جدا قديمة و من أوائل الصناع و مازالوا مستمرين بالتقدم و انتاج ألعاب جديدة. أهم هذي الشركات و اللي لها شعبية كبيرة خاصةً في جيلنا الحالي، هي شركة Ubisoft و أشهر ألعابها سلسلة Splinter Cell، Assassins Creed، Rayman وغيرهم الكثير. و بأحد المؤتمرات الألعاب في ولاية تكساس الأمريكية تم مقابلة أحد مسؤلين الشركة.
في مؤتمر SXSW expo تم مقابلة Jade Raymond المديرة العامة لأستديو يوبيسوفت تورنتو، وخلال المقابلة، أكدت ان يوبيسوفت حالياً تشتغل في تطوير خمس مشاريع لها غير معلنة لحد الأن. اثنين من هذي المشاريع مع مشاركة استديوات مختلفة ليوبيسوفت. وضحت بعض هذي المشاريع لسلاسل شهيرة من الشركة و بكلامها ” اننا شركة أعمال ألعاب و يجب علينا نظهرها بأحسن صورة”. الأمر الأخر الي خلاني اقول معقول تطوير خمس مشاريع بنفس الوقت، صرحت جيد ريموند ان بعض هذي المشاريع راح تكون ألعاب جوالات و لوحيات.
شي حلو صراحة بس فعليا احس فقط لعبتين اساسيتين و الباقي ألعاب جوال يمكن؟ او فعلا بيكون شي مفاجئ لو ألعاب قوية يتم تطويرها بنفس الوقت بس الأكيد بيكون (باعتقادي) الناتج النهائي مليان مشاكل تقنية بسبب تشتت تركيزهم بالتطوير. احس الألعاب راح تكون اسسن كريد و سبلنتر سل جديدة. وش تتوقعون ممكن يفاجئونا فيه؟
