أعلنت يوبيسوفت اليوم انهم حطوا امكانية شراء عملة اللعبة بفلوس حقيقية (in-game purchase) عشان يوفرون وقت اللاعب، وانهم ما أجبروا اللاعبين انهم يشترونها.
لعبة أساسنز كريد يونيتي ويوبيسوفت يواجهون انتقادات حادة لأسباب كثيرة، من أهمها ان اللعبة تحتوي على عمليات شراء بفلوس حقيقية (توصل الى 100 دولار!) على الرغم من ان اللعبة قيمتها 60 دولار. هذا شي أغضب اللاعبين، لان -حسب المتعارف عليه- الألعاب المجانية هي اللي تحتوي على عمليات شراء بفلوس حقيقية داخل اللعبة، أما الألعاب اللي تشتريها بفلوس فالمفروض انها ما تحتوي على عمليات شراء، لانك دفعت فيها 60 دولار.
تقول يوبيسوفت: ” كل شي في اللعبة تقدر تشتريه اذا تقدمت في اللعبة بشكل طبيعي، طريقة تقدم اللاعب في اللعبة ما تخليه يضطر أبدًا انه يشتري الأشياء بفلوس حقيقية. كل شي في اللعبة موزون بحيث يحس اللاعب انه ماهو مجبور يشتري شي بفلوس حقيقية، ولكن يقدر يشتريها اذا تقدّم في اللعبة. شراء عملة اللعبة بفلوس حقيقية هو خيار مخصص للناس اللي تبغى توفر وقتها”.
بالنسبة لعمليات الشراء داخل اللعبة، فهي تتم من خلال اعطاء اللاعب عملة اللعبة واللي اسمها Helix Points مع تقدمه في اللعبة. يقدر اللاعب انه يختصر على نفسه المشوار ويشتري عملة اللعبة بفلوس حقيقية، وتتراوح هالمبالغ ما بين 20 دولار الى 100 دولار.
وش رأيك بتفسير يوبيسوفت للموضوع المثيرللجدل؟
