مشهور الدبيان
اذا زرت قناتنا المتخصّصة في البث المباشر في موقع Twitch، بتلاحظ وجود زر جديد (غير زر المتابعة) للاشتراك في القناة مقابل $4.99 (19 ريال) شهرياً. ممكن تتسائل، وش السالفة؟
هذي ببساطة خدمة يقدّمها موقع Twitch للقنوات المميّزة بحيث يتيح لجمهورها امكانية دعم القناة مادّياً وبشكل مباشر، لأن أصحاب هالقنوات عادة يستثمرون جزء كبير من وقتهم في البث، بالاضافة إلى انهم يشترون العاب كثير عشان يبثّونها للمتابعين.
الاشتراك اختياري. حتى لو ما اشتركت بنستمر في البث المباشر مثل السابق ان شاءالله وأكثر، لكن بنشتغل خلال الشهر هذا على تأسيس عدّة مزايا حصرية فقط للمشتركين مثل:
- وجوه تعبيرية (للتشات) حصرية من تصميمنا (بتتوفر خلال هذا الشهر)
- أولوية أكبر للرد عليهم والتفاعل معهم خلال البث (لأن عادة يكونون فيه مئات المشاهدين بنفس الوقت في التشات وما نقدر نرد على الكل).
- أوقات للبث المباشر خاصّة بالمشتركين، بحيث نبث في الوقت المناسب لهم ونختار الألعاب اللي يصوّتون لها.
- هدايا (أو الـGiveaways) حصرية. اللي بنوزّعها في البث المباشر للمشتركين فقط (تقديراً لدعمهم).
- دعم قناة البث ومساعدتنا في تطويرها وتخصيص وقت أكبر للبث وزيادة عدد الألعاب اللي نبثّها للمتابعين.
كمشترك بتاخذ هالمزايا (بالاضافة لمزايا ثانية حلوة بنضيفها مع الوقت) مقابل 19 ريال شهرياً فقط. بامكانك الاشتراك من هذا الرابط باستخدام بطاقئتك الائتمانية أو حساب PayPal. جميع المبالغ اللي بتجينا من الاشتراكات بنرجع نستثمرها ثاني مره في تطوير القناة وتنويع الألعاب لتطوير تجربة المشاهدة لمشتركينا.
الجدير بالذكر ان السعودية تعتبر من الدول الضعيفة من ناحية المتابعين في موقع Twitch، لكن حسب كلام المسؤول اللي تواصل معي انه لو قناتنا تجيب 100 مشترك على الأقل فراح يساعد هالشي في توفير دعم أكبر للمنطقة وقنواتها مثل قناتنا وقناة عادل المقرن وابراهيم خليل، لأنه عندهم تصوّر انه السعوديين مب مهتمين في خدماتهم.
اذا كنت تفضّل ما تدعمنا، أو تبي تفكّر في الموضوع، فلا تشيل هم. بنستمر في البث المباشر معك مثل الوضع الحالي. بس اذا كنت تبي تدعمنا، فنوعدك ان شاءالله انها بتكون تجربة مميّزة بتتطوّر بدعمك واقتراحاتك وملاحظاتك!
بارعة
